Mumbai Local Train Update : मध्य रेल्वेची वाहतूक काही काळासाठी विस्कळीत झाल्याने मुंबईकरांना मनस्तापाला समोरे जावे लागले. कल्याण रेल्वे स्थानकावर तांत्रिक बिघाड झाल्याने मध्य रेल्वेची लोकल सेवा १५ ते २० मिनिटे उशिराने धावत होती. सकाळी साडे सहा वाजल्यापासून लोकल सेवा उशिराने सुरू होती.

या तांत्रिक बिघाडाचा फटका मुंबईकरांना बसला. पहाटे कामावर जाणाऱ्या चाकरमान्यांची चांगलीच तारांबळ उडाली. रेल्वे उशिराने धावत असल्याने रेल्वे स्थानकावर प्रवाशांची मोठी गर्दी जमली होती. दरम्यान, रेल्वे प्रशासनाकडून लवकरच बिघाड दुरूस्त करण्याचे काम सुरू करण्यात आले.

मुंबईची जीवनवाहिनी म्हणून लोकल ट्रेन ओळखली जाते आणि दररोज लाखो प्रवासी लोकलने प्रवास करतात. यामुळे लोकल सेवा विस्कळीत झाल्यास प्रवाशांना मोठा मनस्ताप सहन करावा लागतो.