मुंबईची जीवनवाहिनी मानली जाणाऱ्या मुंबई लोकलचा सकाळपासून खोळंबा झालेला आहे. मध्य रेल्वेची वाहतूक विस्कळीत झाली असून त्यामुळे प्रवाशांना स्टेशनवरच ताटकळत राहावं लागत आहे. अनेक लोकल गाड्या रद्द झाल्याचीही माहिती मिळत आहे.

मध्य रेल्वेची वाहतूक विस्कळीत झाली आहे. कल्याणवरुन छत्रपती शिवाजी महाराज टर्मिनसच्या दिशेने जाणाऱ्या गाड्या २० ते २५ मिनिटं उशिरा येत आहेत. तसंच काही गाड्या रद्दही करण्यात आलेल्या आहेत. त्यामुळे आता प्रवाशांना रेल्वे स्टेशनवरच अडकून बसावं लागत आहे.