Mumbai Local Viral Video : मुंबईची लाईफ-लाईन असलेल्या लोकल मधून नेहमीच नवनवीन व्हिडिओ समोर येत असतात. कित्येक व्हिडिओ आपण व्हायरल झाल्याचे पाहतो. त्यातच सध्या मुंबई लोकलमध्ये साप घुसल्याचा व्हिडिओ प्रचंड व्हायरल होताना दिसून येत आहे.

व्हायरल होत असलेला व्हिडिओ मुंबई लोकलमधील महिला डब्यातला आहे. मुंबई लोकल ट्रेनमध्ये महिलांचा डब्यात साप घुसल्याचा हा व्हिडिओ सध्या व्हायरल होत आहे

मुंबई लोकलमधील महिलांचा डब्बा म्हटलं तर नेहमीच तिथे सुरू असलेली धक्काबुक्की, सुरू असलेली बडबड, आपापसात होणाऱ्या हाणामाऱ्या यामुळे प्रसिद्ध आहे. मात्र या डब्यात एका सापाने इंट्री घेतली.

'आमची मुंबई' या इंस्टाग्राम पेजवर हा व्हिडिओ शेअर करण्यात आला आहे. या व्हिडिओला मुंबईकर चांगलाच प्रतिसाद देत आहेत. मोठ्या प्रमाणावर मुंबईकर या ठिकाणी कमेंटही करत आहेत.

चालत्या लोकलमध्ये महिला डब्यामध्ये साप असल्याने चर्चा सुरू झाली. एका सीट खाली साप असल्याचे म्हटले गेले. मात्र जेव्हा या ठिकाणी तपासणी करायला आर.पी.एफचे पोलीस आले तेव्हा त्यांना या ठिकाणी कोणताही साप मिळाला नाही. यामुळे असा खरच होता का ? की फक्त एक अफवा होती? अशा प्रकारचे प्रश्न कमेंट मध्ये नागरिक विचारत आहेत.