मुंबई,ता.30: मुंबईसह सर्वच महानगरांना कचरा व्यवस्थापनाची समस्या भेडसावत आहे.यावर उपाय म्हणून कचरा व्यवस्थापनासाठी मुंबई महापालिकेने दर दहा वर्षांनी व्यवस्थापन आराखडा तयार करण्याचा निर्णय घेतला आहे. तशी माहिती प्रशासनाकडून स्थापत्य समितीच्या पटलावर मांडण्यात आली आहे.

मुंबईत कचऱ्याची समस्या मोठी आहे. कचरा वर्गिकरणामुळे डंपिंगवर जाणाऱ्या कचऱ्याचे प्रमाण कमी झाले असले तरी देशातील कोणत्याही इतर शहरापेक्षा मुंबईतील कचऱ्याचा मोठा पर्वत तयार झाला आहे. कचऱ्यावर प्रक्रिया करुन त्यापासून उत्पदन करण्याची गरज आहे. यासाठी ‘कचरा व्यवस्थापनाचा दशवार्षिक आराखडा’तयार करण्यात यावा. अशी ठरावाची सुचना शिवसेनेचे सचिन पडवळ यांनी मांडली होती. महापालिकेच्या महासेत मार्च 2020 मध्ये हा ठराव मंजूर करुन तो प्रशासनाकडे निर्णयासाठी पाठवला होता. त्यावर,कोविडचा प्रार्दुभाव संपल्यानंतर असा आराखडा तयार करण्याचा विचार करता येईल, असे उत्तर महापालिकेने दिले आहे.

महत्त्वाची बातमी : शिवसेनेवर नाराजी, आगामी निवडणुकांसाठी राष्ट्रवादीची स्वबळाची तयारी; हायकमांड घालणार का लक्ष ?

सध्या काय परीस्थीती

सध्या मुंबईत 6 हजार 151 मेट्रीक टन कचरा निर्माण होत आहे. त्यातील 5500 मेट्रीक टन कचऱ्यावर कांजूरमार्ग येथील प्रक्रिया केंद्रात प्रक्रिया करुन विज निर्मीती आणि खत निर्मीती केली जाते. तर, उर्वरीत कचरा देवनार डंपिंगवर टाकला जातो. देवनार येथे 600 मेट्रीक टन कचऱ्यापासून विज निर्मीती करण्याच्या प्रकल्पाला मंजूरी मिळाली आहे. तर,1200 मेट्रीक टन कचऱ्या पासून विज निर्मीतीसाठी निवीदा मागविण्यात आल्या आहेत.

महत्त्वाची बातमी : काढली सिगारेट शिलगावण्यासाठीची पिस्तूल, रोखली दुकानदारावर आणि मोबाईल घेऊन झाला भुर्रर्र

लहान प्रकल्पांना महत्व

कचरा डंपिंगवर आणण्यापेक्षा निर्मीती होत असलेल्या परीसरातच त्यावर प्रक्रिया करणे गरजेचे आहे. त्यानुसार 46 ठिकाणी कचरा वर्गिकरण केंद्र सुरु करण्यात आले आहे. तर, गोवंडी परीसरात 100 मेट्रीक टन क्षमतेचे मटेरीयरल रिकव्हरी प्लांट आणि 1 मेट्रीक टन क्षमतेचा कंपोस्ट प्लान उभारण्यात आला आहे. अंधेरी येथे 10 मेट्रीक टन प्लास्टिक कचरा विलगीकरण केंद्र आहे. तर, डी प्रभागात कचऱ्यापासून विज निर्मीती करण्याचा प्रकल्प सुरु आहे.

mumbai marathi news ten year plan of waste management to solve the problem of dumping in Mumbai