मुंबई: मार्च मधील कालचा पहिला रविवार चांगलाच उष्ण ठरला. मुंबईतील कालचे कमाल तापमान शनिवारपेक्षा अधिक नोंदवले गेले. मुंबईत काल कमाल 36 अंश सेल्सियस तापमानाची नोंद झाली.

मार्च महिन्यात मुंबई मध्ये तापमानाने या पूर्वी अनेकदा उस़ळी घेतली आहे. ही परंपरा काल ही कायम दिसली. कालचा रविवार चांगलाच उष्ण राहिला. मुंबईतील कमाल तापमान 36 अंशाच्या आसपास नोंदवण्यात आले.

सांताक्रूझ येथे रविवारी कमाल तापमान 35.6  अंश सेल्सियस तर आद्रता 86 टक्के नोंदवली गेली. तर कुलाबा येथे कमाल तापमान 32.2अंश सेल्सियस तर आद्रता 93 टक्के नोंदवण्यात आले. 

शनिवारी मुंबईकरांना वाढत्या तापमानातून दिलासा मिळाला होता. पारा 4.5 अंशाने खाली आला होता. तर मुंबईतील सरासरी कमाल तापमान 32.8 नोंदवण्यात आले होते. मात्र रविवारी सकाळी पासूनच उष्म्यात वाढ होऊन रविवार चांगलाच तापदायक ठरला.

मुंबई विभागातल्या ताज्या बातम्या वाचण्यासाठी येथे क्लिक करा.

मार्च महिन्यात तापमानाने मुंबईमध्ये अनेकदा उसळी घेतली आहे. त्यामुळे या ही वेळी उन्हाळा पारा आणखी वाढण्याचा अंदाज आहे. त्यामुळे मुंबईकरांनी आवश्यक ती काळजी घेण्याचे आवाहन प्रादेशिक हवामान विभागाने केले आहे.
 
मुंबईत कमाल तापमानात वाढ झाली असली तरी कमाल तापमान मात्र घट झाल्याचे दिसते. रविवारी रात्री सांताक्रूझ येथे किमाल तापमान  19.8 अंश सेल्सियस तर कुलाबा येथे 23.0 अंश सेल्सियस तापमानाची नोंद झाली त्यामुळे रात्री काहीसा गारवा जाणवला.

हेही वाचा-   कोरोना व्हायरसचा पुन्हा धोका? मुंबईत नव्या रुग्णांचा भडका

----------------------------------

(संपादन- पूजा विचारे)

Mumbai maximum temperature first Sunday March was very hot recorded