मुंबई - मुंबईत मध्यरात्रीच्या सुमारास गोळीबार झाल्याची घटना उघडकीस आली आहे. मुंबईतील माझगाव परिसरात मध्यरात्री 3 वाजेच्या सु्मारास हा गोळीबार झाल्याचं पोलिसांकडून माहिती मिळत आहे. या गोळीबारात कोणीही जखमी झाललेले नाही. गोळीबाराची माहिती पोलिसांना मिळताच स्थानिक भायखळा पोलिसंचे पथक तात्काळ घटनास्थळी दाखल झाले.

पोलिसांनी या घटनेचा तपास सुरु केला आहे. या गोळीबाराचं कारण अद्याप समोर आलं नसलं तरी दहशत पसरवण्यासाठी गोळीबार केल्याचा प्राथमिक अंदाज पोलिसांनी वर्तवला आहे.

प्रकरण थोडक्यात

पोलिसांनी दिलेल्या माहितीनुसार, माझगावमध्ये मध्यरात्री 3 च्या सुमारास अफजल रेस्टॉरंट परिसरात अज्ञातांनी गोळीबार केला आहे. दहशत पसरवण्यसाठी हा गोळीबार केला असल्याची शक्यता पोलिसांनी वर्तवली आहे. अज्ञात व्यक्तीने गोळी झाडली असून ही गोळी टाळण्यासाठी धावत असलेल्या व्यक्तीला दुखापत झाली. त्याला गोळी लागली नसून धावताना दगड लागल्याने दुखापत झाली.

जखमी झालेल्या मोहम्मद सलमान खान या व्यक्तीला जे जे रुग्णालयात दाखल करण्यात आलं आहे. गोळीबार केल्यानंतर आरोपी घटनास्थळावरुन पसार झाला. पोलिसांनी अज्ञातावर गुन्हा दाखल करुन घेतला आहे.

भारतीय दंड संहिता कलम 307 आणि शस्त्रास्त्र कायद्यानुसार गुन्हा दाखल करण्यात आला असून भायकळा आणि इतर परिसरातील पोलिस या घटनेतील आरोपीला शोधण्यासाठी पथके तयार करून परिसरातील सीसीटीव्हीच्या आधारे पोलिसांकडून आरोपीचा शोध सुरु आहे.