Latest Mumbai News: मुंबईतील पहिली भूमिगत मेट्रो असलेली मेट्रो-३ सुरू झाल्यानंतर त्यास दररोज तब्बल १६८ मेगावाॅट वीज लागणार आहे.

संपूर्ण वातानुकूलित असलेली मेट्रो रेल्वे, मेट्रो स्थानके, प्रकाश व्यवस्थेसाठी ही वीज वापरली जाणार आहे. यासाठी टाटा पॉवरकडून साडेसात रुपये प्रतियुनिट दराने वीज घेतली जाणार आहे.

आरे ते कफ परेड हा तब्बल ३३ किलोमीटर लांबीचा भूमिगत मेट्रो मार्ग आहे. त्यापैकी आरे-बीकेसी हा पहिला टप्पा आठवडाभरात सुरू होणार आहे, तर बीकेसी-कफ परेड हा दुसरा टप्पा मार्च अखेरपर्यंत सुरू करण्याचे एमएमआरसीएलचे नियोजन आहे. सकाळी सहा वाजल्यापासून रात्री साडेदहा वाजेपर्यंत ही सेवा सुरू राहणार असल्याने विजेचा वापर मोठ्या प्रमाणात होणार आहे.

विजेची आवश्यकता किती?

पहिला टप्पा (आरे ते बीकेसी) - ८० मेगावॉट

दुसरा टप्पा (बीकेसी ते कफपरेड) - ८६ मेगावॉट

एकूण (आरे ते कफपरेड )- १६८ मेगावॉट

---

मुंबईची वीजमागणी वाढणार!

मुंबईची विजेची कमाल मागणी ४,२०० मेगावाॅटच्या घरात आहे. सध्या मेट्रो-३ हा भूमिगत मेट्रो प्रकल्प पूर्णत्वाला आला असून इतरही मेट्रो प्रकल्पांची कामे वेगात सुरू आहेत. त्यामुळे सर्व मेट्रो प्रकल्प सुरू झाल्यानंतर सुरू झाल्यानंतर मुंबईच्या विजेच्या एकूण मागणीत मोठी भर पडणार असल्याचा अंदाज वीजतज्ज्ञांनी व्यक्त केला आहे.