मुंबई- मुंबई मेट्रो सेवा कोलमडली आहे. दहिसर ते कांदिवली दरम्यान गाड्या अडकल्या आहेत. त्यामुळे अप आणि डाऊन दोन्ही मार्गावरील सेवा यामुळे प्रभावित झाल्या आहेत. मागील तासभरापासून मेट्रो सेवा बंद असल्याने प्रवासी त्रस्त झाले आहेत. (Mumbai Metro collapses Trains stuck passengers suffering as services stopped)

सकाळच्या सुमारास मुंबईकर घाईत असतात. त्यांना कामासाठी आपल्या इच्छितस्थळी वेळेवर पोहोचायचं असते. लोकलला गर्दी असल्याने अनेकजण मेट्रोचा पर्याय निवडतात. पण, आज सकाळीच मेट्रो सेवा कोलमडली. दहिसर ते कांदिवली दरम्यान गाड्या अडकल्या होत्या. तासभर अशीच परिस्थिती राहिली. यावेळी काही प्रवाशांनी मेट्रोच्या ट्रॅकवरुन चालत रस्ता कापला.

कोणतीही पूर्व सूचना न देता मेट्रो सेवा बंद करण्यात आली. त्यामुळे प्रवाशांचा संताप झाला आहे. त्यांनी सोशल मीडियावर यासंदर्भात प्रतिक्रिया देण्यास सुरुवात केली. मेट्रोच्या सेवेबाबत त्यांनी नाराजी व्यक्त करत आपला अनुभव कथन केला. एकाने म्हटलं की, अशा घटनेमुळे मेट्रो अद्याप तयार आहे की नाही अशी शंका येते. (Latest Marathi News)