Mumbai Metro: बहुचर्चित केंद्र आणि राज्य शासनाचा महत्त्वाकांक्षी प्रकल्प मुंबई मेट्रो मार्ग तीन आता अंतिम टप्प्यात आहे. लवकरच पहिल्या टप्प्यात आरे ते वांद्रे - कुर्ला संकूल (बीकेसी) दरम्यान धावणार आहे. त्यापार्श्वभूमीवर एमएमआरसीएलने तिकिट विक्रीकरिता आणि ग्राहक सेवेसाठी खासगी संस्थेची नेमली जाणार आहे.याकरिता मेट्रो प्रशासनाने निविदा मागविण्यात आलेल्या आहे

कुलाबा-वांद्रे-सिप्झ हा मुंबई मेट्रो मार्ग-तीन मुंबईसाठी प्रस्तावित असलेला पहिला आणि एकमेव पूर्णपणे भूमिगत मेट्रो मार्ग आहे. शहरात वाहतूक व्यवस्था सुधारण्यासाठी तसेच वाहतुकीच्या पर्यायी सुविधेसाठी मेट्रो-तीन मार्गाची तयार होत आहे.

एप्रिलमध्ये आरे-बीकेसी दरम्यानची मेट्रो सेवा सुरू करण्याचे एमएमआरसीएलचे नियोजन आहे. त्याची तयारी प्रशासनाकडून जोरदार सुरू असून पुढील चार वर्षे प्रवासी तिकीट, सेवा आदींकरिता एजन्सी नेमली जाणार आहे. त्यासाठी निविदा मागवण्यात आल्या आहेत.

पहिल्या टप्प्यात धावणाऱ्या आरे ते बीकेसी या मार्गात एकूण १० स्थानके असून नऊ भुयारी; तर एक जमिनीवर आहे. हे अंतर १२.४४ किमी असून दोन गाड्यांमधील कालावधी ६.५ मिनिटे इतका असेल. या मार्गावर पहिल्या टप्प्यात ९ गाड्या धावतील. तर दुसऱ्या टप्प्यात धावणाऱ्या बीकेसी ते कफ परेड मार्गात १७ स्थानके असणार आहे.