मुंबईः मुंबईच्या तापमानात पुढच्या काही तासात आणखी घट होण्याची शक्यता मुंबई हवामान विभागाने वर्तवली आहे. दरम्यान, मंगळवार हा या मोसमातील सर्वात थंड दिवस म्हणून नोंदवण्यात आला आहे. मंगळवारी मुंबईत 15 अंश सेल्सिअस तापमान होते. भारतीय हवामानशास्त्र विभागाने (आयएमडी) सांताक्रूझ वेधशाळेमध्ये किमान तापमान नोंदवले जे 2.4 डिग्री सेल्सियस होते. तर कुलाबा वेधशाळेत किमान तापमान 17 डिग्री सेल्सियस होते.

पुढील 48 तासात तापमानात हळूहळू घट होऊन किमान तापमानातही आणखी घट होण्याची शक्यता आयएमडीने व्यक्त केली. आयएमडीच्या अंदाजानुसार, 48 तासांत किमान तापमान 14 डिग्री सेल्सियसच्या आसपास राहील. तर कमाल तापमान 28 अंश डिग्री सेल्सियस इतके असेल. डिसेंबर महिन्यात दोन्ही तापमानात घट झाल्याची नोंद करण्यात आली आहे.

यापूर्वी 23 डिसेंबरला या मोसमातीस सर्वात कमी तापमान 15.8 डिग्री सेल्सियस नोंदवण्यात आले होते. गेल्या वर्षी डिसेंबरमध्ये सर्वात कमी तापमान 16.4 डिग्री सेल्सियस होते आणि त्यापूर्वीच्या वर्षात ते 14.4 डिग्री सेल्सियस होते.

मुंबई विभागातल्या ताज्या बातम्या वाचण्यासाठी येथे क्लिक करा.

“उत्तरेकडून पश्चिमकडे वाहणाऱ्या वाऱ्यामुळे तापमानात घसरण होत आहे. मुंबईतील काही ठिकाणी तापमानात आणखी घट होण्याची शक्यता आहे, असे आयएमडीच्या पश्चिम विभागाचे उपमहासंचालक के. एस. होसाळीकर यांनी सांगितले.

पवईमध्ये मुंबई शहरातील सर्वात थंड तापमान नोंदवले असून 12.8 अंश सेल्सिअस होते. त्यानंतर, गोरेगाव येथे 13.8 अंश सेल्सिअस तापमान आणि कांदिवली येथे 13.9 अंश सेल्सिअस तापमान होते. मंगळवारी वरळीत किमान तापमान किमान 25 अंश सेल्सिअस नोंदले गेले.

हेही वाचा- वसईः तुंगारेश्वर मंदिराच्या परिसरात असणाऱ्या अमृतधाम जैन मंदिरात चोरी

---------------------

(संपादन- पूजा विचारे)

mumbai minimum temperature coldest day season 15 degree celsius