मुंबईतील भाईंदर येथे आगीची मोठी दुर्घटना घडल्याची माहिती समोर आली आहे. मुंबईच्या भाईंदर येथील झोपडपट्टीमध्ये आग लागल्याची माहिती आहे. भाईंदरमधील आझाद नगर झोपडपट्टीला भीषण आग लागली आहे. भाईंदर पूर्वेकडील गोल्ड नेस्ट सर्कलजवळील आझाद नगर झोपडपट्टीत आग लागली आहे. पहाटे ५ वाजण्याच्या सुममारासही आग लागल्याची माहिती समोर येत आहे.

आगीत काही जण जखमी झाल्याची माहिती आहे. घटनेची माहिती मिळताच अग्निशमन दलाच्या अधिकाऱ्यांनी घटनास्थळी धाव घेतली. सध्या आगीवर नियंत्रण मिळवण्याचे प्रयत्न सुरु आहेत. दरम्यान, आगीच कारण अद्याप स्पष्ट झालेलं नाही. सध्या अग्निशमन दलाकडून आग आटोक्यात आणण्यासाठी शर्थीचे प्रयत्न सुरु आहेत.

मीरा-भाईंदर परिसरात लागलेल्या आगीचे अनेक किलोमीटर अंतरावरून अवकाशात धुराचे लोट पसरलेले दिसत आहेत. आगीतून बाहेर पडणारा काळा धूर परिसरात पसरला आहे. या घटनेचा व्हिडीओ देखील समोर आला आहे. यामध्ये आगीचे मोठे लोटदिसून येत आहेत.