Mumbai News: मानखुर्द येथील महाराष्ट्रनगर भागात रस्त्यावरील बर्गर खाल्ल्याने १० ते १२ जणांना विषबाधा; तर एकाचा मृत्यू झाला. याप्रकरणी ट्रॉम्बे पोलिस ठाण्यात गुन्हा दाखल आहे.

मानखुर्द येथील महाराष्ट्रनगर परिसरात रस्त्याच्या कडेलाच अन्न शिजवून विकले जाते. सोमवारी (ता. ६) सायंकाळी याच परिसरात १० ते १२ जणांना बर्गर खाल्ल्याने उलट्या आणि जुलाबाचा त्रास झाला होता. यापैकी काहींवर खासगी; तर काहीजणांना पालिकेच्या रुग्णालयात उपचारानंतर रात्री उशिरा घरी पाठवण्यात आले. (indian streest burger )

मात्र, प्रथमेश भोकसे या तरुणाचा उपचारादरम्यान मृत्यू झाला. प्रथमेशला एका खासगी रुग्णालयात दाखल करण्यात आले. मात्र, त्यांची प्रकृती बिघडल्याने केईएम रुग्णालयात नेण्यात आले. पण, उपचारादरम्यान त्याचा मृत्यू झाला.