Navi mumbai: दुचाकीवरून जाणाऱ्या तरुणाला अज्ञात वाहनाने धडक दिल्याने त्याचा मृत्यू झाल्याची घटना सायन-पनवेल मार्गावर उरण फाटा येथे बुधवारी (ता. ८) पहाटे घडली. याप्रकरणी अज्ञात वाहनचालकाविरोधात गुन्हा दाखल केला आहे.

समर्थ कराळे (वय १९) असे मृत तरुणाचे नाव आहे. समर्थला मर्चट नेव्हीमध्ये नोकरी लागली होती. त्यामुळे तो पुढच्या महिन्यामध्ये कामावर रुजू होणार होता; मात्र त्यापूर्वीच त्याला मृत्यूने गाठल्याने परिसरात हळहळ व्यक्त होत आहे. समर्थ हा उलवे सेक्टर- २० मध्ये कुटुंबासह राहत होता. मर्चेंट नेव्हीमध्ये रुजू होण्यापूर्वी समर्थ एक महिन्यासाठी प्रोसरी सल्पायर्स कंपनीमध्ये काम करत होता.