मुंबई, ता. 20 : विलेपार्ले येथील पंचतारांकीत हॉटेलमध्ये तोतया पोलिसांनी छापा टाकून 12 कोटी रुपये लंपास केल्याचा प्रकार घडला आहे. याप्रकरणी विलेपार्ले पोलिसांनी भादंवि कलम 392, 170 व 34 अंतर्गत गुन्हा दाखल केला असून  सीसीटीव्हीच्या मदतीने तपास करत आहेत.

महत्त्वाची बातमी : "नाना च्या नाना तऱ्हा, सकाळी आयसोलेशन रात्री सेलिब्रेशन"; "नानाजी मांजरासारखं वागताय, डोळे मिटून सगळे नियम मोडताय"

याबाबत पोलिसांनी दिलेल्या माहितीनुसार, 17 फेब्रुवारीला ही घटना घडली असून हॉटेलमध्ये दाखल झालेल्या आरोपींनी पोलिस असल्याचे सांगून 12 कोटी रुपयांची रोख चोरली. हॉटेलमधील एका रुममध्ये दोन ग्राहक वास्तव्याला होते. पोलिस असल्याचे सांगून आरोपींनी या खोलीत छापा टाकला व त्यांच्याकडील 12 कोटींची चोरी केली.

महत्त्वाची बातमी : भीषण ! मुंबईतील 25 हजार नागरिकांचा वायू प्रदूषणामुळे मृत्यू 

याप्रकरणी दाखल झालेल्या जबाबात तक्रारदार आरोपींना ओळखत नसल्याचे सांगितले आहे. तसेच ते किती संख्येने होते, यााबाबतही अद्याप साशंकता आहे. मिळालेल्या माहितीच्या आधारावर अनोळखी आरोपींविरोधात गुन्हा दाखल करण्यात आला आहे. हॉटेल व परिसरातील सीसीटीव्हीच्या माध्यमांतून पोलिस तपास करत आहेत. या प्रकरणात आतापर्यंत आठ लोकांना ताब्यात घेण्यात आलं आहे.

mumbai news crime story fake police raids five star hotel and duped 12 crore