मुंबई - मुंबई पश्चिम उपनगरातील ओशिवरा येथे आगीची दुर्घटना घडली आहे. ओशिवरा परिसरातील हिरा पन्ना मॉलच्या दुसऱ्या मजल्यावर आग लागल्याची घटना घडली असून आगीत काही लोक अडकल्याची भीती व्यक्त करण्यात येत आहे.

हिरा पन्ना मॉलमधील दुसऱ्या मजल्यावर अनेक कमर्शियल गाळे असून या गाळ्यांमध्ये काम करणारे ऑफिस कर्मचारी यात अडकले असल्याची भीती व्यक्त करण्यात आली आहे. मॉलमध्ये दुसऱ्या मजल्यावर लागलेली आग ही एल टू प्रकारची असून दुपारी साधारणपणे तीन वाजून दहा मिनिटांनी या संदर्भात मुंबई अग्निशमन दलाला माहिती मिळाली आहे.

माहिती मिळताच, मुंबई अग्निशमन दलाचे जवान आणि ओशिवरा पोलीस ठाण्याचे पोलिस अधिकारी या ठिकाणी पोहचले. सध्या नागरिकांना बाहेर काढण्याचे काम सुरू आहे.