मुंबई- गोवंडीमध्ये झोपडपट्टीला भीषण आग लागल्याची घटना घडली आहे. पहाटे साडेतीनच्या सुमारास ही घटना घडली. या आगीमध्ये २५ ते ३० झोपड्या जळून खाक झाल्या आहेत. आगीच्या घटनेची माहिती मिळताच अग्निशमन दल घटनास्थळी पोहोचले होते. सुदैवाने घटनेमध्ये कोणतीही जीवितहानी झालेली नाही. आगीचं कारण समजू शकलेलं नाही. (Mumbai News Fire breaks out at govandi slum 25 to 30 houses burnt down)

सकाळी साडेतीन वाजता आग लागली. त्यानंतर स्थानिकांनी आग विझवण्याचा प्रयत्न केला. लवकरच अग्निशमन दलाच्या गाड्या घडनास्थळी दाखल झाल्या होत्या. त्यानंतर युद्ध पातळीवर आग विझवण्याचे काम करण्यात आले. त्यानंतर आग आटोक्यात आणण्यात आली आहे. पण, अनेकांचे घरे उद्धवस्त झाले आहेत. आगीच्या कारणाचा शोध घेतला जात आहे.