पाली : भटक्या जखमी व वृद्ध पशु-पक्ष्यांना कोणीच वाली नसतो. अशा पशु-पक्ष्यांच्या जीवनाचे मोल राखत मानवतेच्या दृष्टिकोनातून एका तरुणाने पशू अनाथालय सुरू केले आहे.
रायगड जिल्ह्यातील रोहा तालुक्यातील कोलाड-विठ्ठलवाडी याठिकाणी सात एकर जागेत ‘ॲनिमल मॅटर टू मी’ या संस्थेच्या माध्यमातून गणेश नायक हा तरुण अनाथ व जखमी पाळीव प्राण्यांची सेवा करीत आहे, त्यांच्यासाठी तो देवदूत ठरला आहे.
रस्त्यावर जखमी अवस्थेतील गुरे, श्वान, मांजर व अन्य प्राण्यांकडे दुर्लक्ष होत असल्याने अनेकदा त्यांचा मृत्यू होतो. अशा प्राण्यांच्या जीवनात जगण्याची उमेद जागवण्यासाठी गणेशने अनाथालय सुरू केले आहे. या माध्यमातून अनाथ व जखमी प्राण्यांना हक्काचे आश्रयस्थान मिळाले आहे.
जखमी पशु-पक्ष्यांवर अनाथलयात उपचार केले जातात, ते बरे झाल्यावर त्यांना त्यांच्या अधिवासात सोडले जाते. तर वृद्ध प्राण्यांचे पालन पोषण याच ठिकाणी केले जाते. याशिवाय गुरे, कोंबड्या, बकऱ्या, कुत्रे, मांजर आदींसह गुरांसाठी हे पशू अनाथालय वरदान ठरत आहे.
"अनाथ पशु-पक्ष्यांची अनेकदा अवहेलना केली जाते. त्यांना हक्काचा निवारा देण्याचा प्रयत्न आहे. अनेकदा लोक भटके पशू रस्त्यात जखमी झाल्याचे सांगतात. अशा जखमी प्राण्यांची शुश्रूषा केली जाते. उपचारानंतर पुन्हा अधिवासात सोडले जाते. तर वृद्ध जनावरांचे संगोपन केले जाते."
- गणेश नायक, पशू अनाथलयाचा संस्थापक
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.