मुंबई - म्हाडाच्या मुंबई मंडळातर्फे विविध ठिकाणच्या 819 घरांसाठी काढण्यात येणाऱ्या सोडतीसाठी अनामत रक्कम ऑनलाईन भरण्यास अर्जदार पसंती देत आहेत. सोमवारी सायंकाळपर्यंत सुमारे सहाशे अर्जदारांनी ऑनलाईन पेमेंट केले. अनामत रक्कम भरण्यासाठी म्हाडाने प्रथमच सुरू केलेल्या एनईएफटी/आरटीजीएस प्रणालीचा वापर केवळ एका अर्जदाराने केला आहे.
वांद्रे येथील रंगशारदा सभागृहात 10 नोव्हेंबरला ही सोडत काढण्यात येणार आहे. शनिवारपासून (ता. 16) अर्जदारांची नोंदणी करण्यास सुरुवात झाली. केवळ दहा मिनिटांमध्ये 400 जणांनी नोंदणी केली होती. सोमवारी सायंकाळी 7.30 वाजेपर्यंत आठ हजार 59 अर्जदारांनी नोंदणी केली; तर तीन हजार 211 अर्जदारांनी अर्ज भरले आहेत. त्यापैकी 594 अर्जदारांनी ऑनलाईन आणि एनईएफटी/आरटीजीएस प्रणालीचा वापर करून अनामत रक्कम जमा केली आहे. 593 अर्जदारांनी ऑनलाईन पेमेंट केले आहे. एकाही अर्जदाराने डीडीमार्फत अनामत रक्कम जमा केलेली नाही. अर्जदारांना 22 ऑक्टोबरपर्यंत अर्ज भरता येणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.