मुंबई - महापौर हे वैधानिक पद असल्यामुळे कोरोना काळात विशेष अधिकार असलेल्या प्रशासनाच्या माध्यमातून खरेदी करण्यात आली आहे. आपल्यावर नाहक आरोप करण्यात येत असून शिवसेनेच्या बदनामीचा प्रयत्न सुरू आहे. त्यामुळे कुठल्याही चौकशीला सामोरे जाण्यास माझी तयार असल्याचे माजी महापौर किशोरी पेडणेकर यांनी सांगितले.

कोरोना काळात मुंबईतील अनेक ठिकाणी उभारण्यात आलेल्या कोविड केअर सेंटरमध्ये आर्थिक गैरव्यवहार झाल्याचा आरोप भाजपा नेते किरीट सोमय्या यांनी केला होता. सोमय्या यांनी महापौर पेडणेकर यांची चौकशी करावी अशी मागणी केली आहे.

आदित्य ठाकरेंचे निकटवर्तीय सूरज चव्हाण, खासदार संजय राऊत यांचे निकटवर्तीय सुजित पाटकर यांच्यासह मुंबई मनपाचे तत्कालीन अतिरिक्त आयुक्त व आताचे म्हाडाचे उपाध्यक्ष संजीव जैस्वाल यांच्याशी संबंधित १५ ठिकाणांची झडती घेण्यात आली. शिवसेनेची कोंडी करण्याच हा प्रकार आहे. असे माजी महापौर पेडणेकर म्हणाल्या.

महापौरपद हे वैधानिक पद आहे. कोरोना काळात विशेष अधिकारी प्रशानाला होते. त्यामाध्यमातून खरेदी झाली. त्यामुळे मला आणि शिवसेनेला बदनाम करण्याचा प्रयत्न सुरू असून माझी कोणत्याही चौकशीला सामोरे जाण्यास तयारी आहे. असे माजी महापौर पेडणेकर म्हणाल्या.