मुंबई : १ मे १९६० रोजी महाराष्ट्राची स्थापना झाली. मुंबईसह संयुक्त महाराष्ट्र होण्यासाठी 'संयुक्त महाराष्ट्र चळवळी'त अनेक क्रांतीकाऱ्यांना आपल्या जीवाचे बलिदान दिले आणि शेवटी मराठी भाषिक महाराष्ट्र राज्याची स्थापना झाली. पण महाराष्ट्राची स्थापना झाली त्यावेळी मुंबई कशी दिसत होती आपल्याला माहिती आहे का?

संयुक्त महाराष्ट्राचा लढा जवळून पाहिलेले खूप कमी लोकं सध्या जिवंत असतील. ते अनेकदा आपला अनुभव सांगत असतात. पण सध्या जुन्या मुंबईचा एक व्हिडिओ सोशल मीडियावर व्हायरल झाला आहे. British Pathe या ब्रिटिश संस्थेच्या अकाऊंटवरून हा व्हिडिओ शेअर करण्यात आला आहे. १९६० सालचा हा व्हिडिओ असल्याचं यामध्ये सांगण्यात आलं आहे.

दरम्यान, या व्हिडिओमध्ये डबल डेकर बेस्टच्या बस, सिग्नल ओलांडतानाचे नागरिक, ट्राफिक पोलिस, जुन्या गाड्या, टॅक्सी, मालवाहतूक करणारे नागरिक, त्यावेळच्या गगनचुंबी इमारती आणि महिला असे वेगवेगळे व्हिडिओ मिळून त्याकाळच्या मुंबईचा व्हिडिओ बनवण्यात आला आहे. सध्या हा व्हिडिओ चांगलाच व्हायरल झाला असून अनेकांनी यावर आपल्या प्रतिक्रिया व्यक्त केल्या आहेत.