मुंबई: सेक्सटॉर्शनप्रकरणात राजस्थानमधील (Rajasthan) तिघांना अटक करण्यात एनएम जोशी मार्ग पोलिसांना (NM joshi road police) यश आले आहे. आरोपी अनोळखी व्यक्तीसोबत ओळख करून त्यांच्यासोबत चॅट (chat) करायचे. त्यानंतर आक्षेपार्ह स्थितीत संबंधीत व्यक्तीचे चित्रीकरण करून त्यांच्याकडे खंडणीच मागणी करायचे. (Mumbai police arrest three person from rajasthan in criminal case)

पोलिसांनी आरोपींकडून 200 व्हिडिओ जप्त केले आहेत. सुनील कुमार राजपूत (वय 23), जयकम खान (वय 32) आणि हमद अजगर अली काद्री (वय 26) अशी अटक आरोपींची नावे आहेत. राजपूत आणि खान हे अलवर जिल्ह्यातील असून कादरी हे भरतपूर जिल्ह्यातील आहेत.

आरोपींकडून चार मोबाईल जप्त करण्यात आले आहेत. 25 वर्षीय व्यक्तीकडून नुकतीच त्यांनी 26 हजार रुपये घेतले होते. आरोपींनी अशा पद्धतीने अनेकांची फसवणूक केल्याचा संशय आहे. पण लाजेखातर अनेक जणांनी तक्रारी दिल्या नाहीत.