Mumbai Police: मुंबईशाहू नगर पोलीस ठाण्यात शिपाई पदावर नियुक्त विजय साळुंखे( ३८) यांनी प्रतीक्षा नगर येथील राहत्या घरी शुक्रवारी रात्री आठच्या सुमारास गळफास घेत आत्महत्या केली.

आत्महत्येपूर्वी साळुंखे यांनी लिहिलेली चिठ्ठी सापडली असून त्यात पत्नीच्या जाचास कंटाळून हे टोकाचे पाऊल उचलत आहे, असा आरोप नमूद आहे. या प्रकरणी वडाळा टीटी पोलिसांनी अपघाती मृत्यूची नोंद घेत चौकशी - तपास सुरू केला आहे.

साळुंखे यांनी मृत्यूपूर्वी केलेल्या आरोपांबाबत चौकशी सुरू आहे. त्यात तथ्य आढळल्यास त्यांच्या पत्नीविरोधात गुन्हा नोंद होऊ शकेल, असे पोलिसांकडून सांगण्यात आले.

साळुंखे ३० मेपासून कर्तव्यावर गैरहजर होते. त्यांना यकृताशी निगडित आजार होता. त्यावर उपचारही सुरू होते, अशी माहिती प्राथमिक चौकशीतून वडाळा टी टी पोलिसांना मिळाली आहे.