मुंबई पोलिसांसाठी धक्कादायक माहिती समोर आली आहे. मुंबईत एका पोलीस अधिकाऱ्याच्या अपघातात मृत्यू झाल्याची घटना समोर आली आहे. बसने दुचाकीला दिलेल्या धडकेत एका पोलीस अधिकाऱ्याचा मृत्यू झाला आहे. त्यामुळे पोलिस दलात हळहळ व्यक्त करण्यात येत आहे. (Mumbai Police officer dies accident marine drive police station )

प्रवीण दिनकर असं या पोलीस अधिकाऱ्याचं नाव आहे. पोलीस अधिकारी प्रवीण दिनकर हे सकाळी घरातून मरीन ड्राईव्ह पोलीस ठाणे येथे कामावर जाण्यासाठी निघाले होते.

Credit Card फसवणूक....काय घ्याल काळजी?

मुंबईच्या वाकोला - सांताक्रुज परिसरात पश्चिम द्रुतगती महामार्गावर बसने दिलेल्या धडकेत ते रस्त्यावर कोसळून जखमी झाले.

त्यांना महापालिकेच्या सांताक्रुज येथील व्ही एन देसाई रुग्णालयात उपचारासाठी नेले. मात्र, डॉक्टरांनी त्यांना मृत घोषित केले. पोलीस अधिकारी प्रवीण दिनकर यांच्या मृत्यूने त्यांच्या कुटुंबावर दु:खाचा डोंगर कोसळला आहे.