Mumbai Pollution : कल्याण शीळ रोडवरील प्रसिद्ध खिडकाळेश्वर तलावातील शेकडो मासे अचानक मृत्यू पावले आहेत. तलावाच्या पाण्यावर मृत माशांचा खच पडला आहे.

माशांचा मृत्यू कशाने झाला हे नेमके समजू शकले नसते तरी तिसऱ्यांदा या तलावातील मासे मृत्यू पावल्याची ही घटना घडली आहे.

कल्याण-डोंबिवलीच्या पंचक्रोशीत पांडवकालीन हेमाडपंथी बांधणीचे तेराव्या शतकातील शिवमंदिर म्हूणन खिडकाळेश्वर मंदिर प्रसिद्ध आहे. ग्रामीण भागातील खिडकाळी गावात हे मंदिर असून महाशिवरात्रीच्या दिवशी आणि श्रावणात लाखो भाविक कल्याण, डोंबिवली, नवी मुबंई , ठाणे दर्शनासाठी येत असतात.

श्रावण महिना सुरू असून हजारो भाविक येथे शिव पिंडीचे दर्शन घेण्यासाठी येत आहेत.

याचं मंदिराच्या आवारात जुना मोठा तलाव आहे. या तलावातील शेकडो मासे मृत पावले असून पाण्यात मृत माश्यांचा खच पडला आहे. मासे नेमके कशामुळे मृत्युमुखी पडले हे अद्याप अस्पष्ट आहे. दरम्यान या आधीही 2019 आणि 2021 मध्ये या तलवातील मासे मेले होते.