mumbai: गॅंट्री बसवण्याच्या कामासाठी मंगळवारी (ता. ५) मुंबई-पुणे द्रुतगती मार्गावरील खंडाळा हद्दीत मुंबई लेन दोन तासांसाठी बंद राहणार आहे. मंगळवारी दुपारी बारा ते दोनच्या दरम्यान मुंबई लेनवर खंडाळा हद्दीत गॅंट्री बसवली जाणार आहे.

या कालावधीत मुंबई वाहिनीवरील सर्व प्रकारची वाहतूक पूर्णपणे बंद करण्यात येणार आहे. जड-अवजड वाहने उर्से टोल नाका या ठिकाणी तसेच शोल्डर लेनवर थांबवण्यात येणार आहेत. केवळ कारसाठी लोणावळा बाह्य मार्ग येथून जुना पुणे-मुंबई महामार्ग, अंडा पॉइंटमार्गे मुंबई बाजूकडे वाहतूक सुरू राहील.

गेल्या काही दिवसांपासून महामार्गावर ग्रँटी बसवण्यासाठी ब्लॉक घेतला जात आहे. त्यामुळे प्रवासी आणि नागरिकांना त्रास सहन करावा लागत आहे. या ब्लॉकमुळे दुपारच्या वेळी महामार्गावर वाहनांची गर्दी होणार आहे. त्यामुळे या वेळेत प्रवासी नागरिकांनी बाहेर पडू नये, असे आवाहन करण्यात आले आहे.