मुंबई - उपनगरी रेल्वे मार्गावरील रुळांची दुरुस्ती तसेच सिग्नल यंत्रणेत काही तांत्रिक कामे करण्यासाठी रविवारी २६ मार्च २०२३ रोजी रेल्वेच्या तिन्ही मार्गावर मेगाब्लॉक घेण्यात येणार आहे. मध्य रेल्वेच्या ठाणे ते कल्याण अप आणि डाउन जलद मार्गावर, तर हार्बर मार्गावरील कुर्ला ते वाशी अप आणि डाउन मार्गावर मेगाब्लॉक घेण्यात येणार आहे. पश्चिम रेल्वेवर बोरिवली ते जोगेश्वरी पाचव्या मार्गिकेवर मेगाब्लॉक घेण्यात येणार आहे.

मध्य रेल्वे -

कुठे- ठाणे- कल्याण अप आणि डाउन जलद मार्गावर

कधी- सकाळी १०. ४० ते दुपारी ३.४० पर्यंत

परिणाम -

या ब्लॉकदरम्यान सीएसएमटी येथून सुटणाऱ्या जलद मार्गावरील सेवा ठाणे आणि कल्याणा स्थानकांदरम्यान दरम्यान डाउन जलद मार्गावर वळवण्यात येतील. या गाड्या त्यांच्या शेड्यूल थांब्यांव्यतिरिक्त कळवा, मुंब्रा आणि दिवा स्थानकांदरम्यान थांबतील आणि निर्धारित वेळेपेक्षा १० मिनिटे उशिराने गंतव्यस्थानी पोहोचतील. कल्याण येथून सुटणाऱ्या अप जलद सेवा कल्याण आणि ठाणे स्थानकांदरम्यान अप धीम्या मार्गावर वळवल्या जातील. या गाड्या त्यांच्या वेळापत्रकाच्या थांब्यांव्यतिरिक्त दिवा, मुंब्रा आणि कळवा स्थानकांदरम्यान थांबून पुन्हा अप जलद मार्गावर वळवण्यात येतील आणि 10 मिनिटे उशिराने गंतव्यस्थानी पोहोचतील.

हार्बर रेल्वे -

कुठे - कुर्ला - वाशी अप आणि डाउन हार्बर मार्गावर

कधी - सकाळी ११. १० ते सायंकाळी ४.१० वाजेपर्यंत

परिणाम -

ब्लॉक कालावधीत सीएसएमटी येथून पनवेल/बेलापूर आणि वाशीकडे जाणाऱ्या डाऊन हार्बर मार्गावरील सेवा रद्द राहतील. वाशी, बेलापूर पनवेल येथून सीएसएमटी करीता सुटणाऱ्या अप हार्बर मार्गावरील सेवा रद्द राहतील. या ब्लॉक कालावधीत सीएसएमटी ते कुर्ला आणि वाशी ते पनवेल स्थानकादरम्यान विशेष लोकल धावतील.ब्लॉक कालावधीत ठाणे-वाशी/नेरुळ स्थानकांदरम्यान ट्रान्सहार्बर लाईन सेवा उपलब्ध असेल.

पश्चिम रेल्वे -

कुठे - जोगेश्वरी ते बोरिवली पाचव्या मार्गिकांवर

कधी - सकाळी १०. ३५ ते दुपारी ३. ३५ वाजेपर्यत

परिणाम -

या ब्लॉकदरम्यान काही उपनगरीय गाड्या रद्द राहतील. या संदर्भात सविस्तर माहिती संबंधित स्टेशन मास्टर्सकडे उपलब्ध आहे. प्रवाशांनी कृपया नोंद घ्यावी की या ब्लॉकमुळे 25 मार्च 2023 रोजी अहमदाबादहून सुटणारी ट्रेन क्रमांक 19418 अहमदाबाद-बोरिवली एक्स्प्रेस विरार येथे सम्पात होईल.