मुंबई : पश्चिम रेल्वेच्या वापी आणि उदवाडा स्थानकांदरम्यान पादचारी पुलाच्या गर्डर टाकण्यासासाठी 5 आणि 6 डिसेंबर 2022 रोजी सकाळी 11.35 ते दुपारी 1.25 तासांपर्यंत पॉवर कम ट्रॅफिक ब्लॉक घेण्यात येणार आहे. त्यामुळे मुंबईतून बाहेर गावी जाणाऱ्या आणि मुंबईकडे येणाऱ्या अनेक मेल- एक्सप्रेस गाड्यांच्या वेळापत्रकावर मोठा परिणाम पडणार आहे.

पश्चिम रेल्वेने दिलेल्या माहितीनुसार, पॉवर कम ट्रॅफिक ब्लॉकमुळे ५ डिसेंबर २०२२ रोजी ट्रेन क्रमांक 19015 दादर-पोरबंदर सौराष्ट्र एक्सप्रेस 1 तास 05 मिनिटे विलंबाने धावणार आहे. ट्रेन क्रमांक 12471 वांद्रे टर्मिनस - श्री माता वैष्णो देवी कटरा स्वराज एक्सप्रेस 35 मिनिट, ट्रेन क्रमांक 12926 अमृतसर-मुंबई सेंट्रल पश्चिम एक्सप्रेस 1 तास 40 मिनिट, ट्रेन क्रमांक 16588 बीकानेर-यशवंतपुर एक्सप्रेस 1 तास 25 मिनिटे, ट्रेन क्रमांक 22954 अहमदाबाद-मुंबई सेंट्रल गुजरात एक्सप्रेस 1 तास 25 मिनिटे आणि ट्रेन क्रमांक 01102 मडगांव-अहमदाबाद स्पेशल 1 तास 5 मिनिटे विलंबाने धावणार आहे.

ट्रेन क्रमांक 09154 वलसाड-उमरगाम रोड मेमूला उदवाड़ा दरम्यान शॉर्ट टर्मिनेट करण्यात येणार आहे. तर सहा डिसेंबर २०२२ रोजी ट्रेन क्रमांक 19015 दादर-पोरबंदर सौराष्ट्र एक्सप्रेस 1 तास, ट्रेन क्रमांक 12926 अमृतसर-मुंबई सेंट्रल पश्चिम एक्स्प्रेस 01 तास 45 मिनिटे, ट्रेन क्रमांक 22954 अहमदाबाद-मुंबई मध्य गुजरात एक्सप्रेस 1 तास 35 मिनिटे आणि ट्रेन क्रमांक 19028 जम्मू तवी-वांद्रे टर्मिनस एक्सप्रेस 1 तास 15 मिनिटे विलंबाने धावणार आहे.