मुंबईत पहाटेपासूनच जोरदार पाऊस कोसळत असून, परिणामी मुंबईतील अनेक सखल भाग जलमय झाल्याचे चित्र पाहायला मिळत आहे. शहरासह उपनगरातील अनेक रस्ते, रल्वे स्थानके आणि मेट्रो स्थानकांचा परिसर पाण्याखाली गेला असून वाहतुकीसाठी हे मार्ग बंद करण्यात आले आहेत.

या परिस्थितीमुळे हवामान खात्याने मुंबईत आज अतिमुसळधार पावसाचा अंदाज वर्तविल्यानंतर पार्श्वभूमीवर बृहन्मुंबई महानगरपालिकेची संपूर्ण यंत्रणा प्रत्यक्ष क्षेत्रावर कार्यरत केली आहे.

नागरिकांनी कोणत्याही अफवांवर विश्वास ठेवू नये आणि अत्यावश्यक असेल तरच घराबाहेर पडावे, अशी विनंती पालिकेने केली. आपत्कालीन परिस्थितीत तत्काळ मदतीसाठी १९१६ या क्रमांकावर संपर्क साधावा, असे अवाहन महापालिकेने केले आहे.