मुंबई - आठवड्याच्या पहिल्याच दिवशी सकाळीपासून सुरु असलेल्या पावसामुळे तिन्ही मार्गावरील लोकल सेवांचा गतीवर मर्यादा आली होती. त्यामुळे मुख्य मार्गावरील जलद लोकल सेवा २० ते ३० मिनिटे विलंबाने धावत होत्या. तर पश्चिम रेल्वे मार्गावरील लोकल सेवा १० ते १५ मिनटे विलंबाने धावत होत्या. त्यामुळे मुंबईकरांना कार्यालयात पोहचण्यासाठी आठवड्याचा पहिल्याच दिवशी लेटमार्क लागला आहे.

मुंबई आणि उपनगरात सोमवारी पहाटे पासून पाऊस सुरु झाला, त्यामुळे मध्य, हार्बर आणि पश्चिम रेल्वे मार्गावरील लोकल सेवा धीम्या गतीने धावत होत्या.

विशेष म्हणजे, मध्य रेल्वेच्या जलद लोकल २० ते ३० मिनिटे, तर धीम्या मार्गावरील लोकल सेवा १० ते १५ मिनिटाने सकाळी विलंबाने धावत होत्या. त्यानंतर दुपारी १. ३० वाजताच्या सुमारास पावसा जोर कमी झाल्यावर काही कालावधीसाठी लोकल सेवानी गती घेतली. मात्र, हवेतील दृश्यमानता कमी होताच लोकल सेवा पुन्हा धीम्या गतीने धावू लागल्या.

२ वाजेनंतर संध्याकाळी मध्य रेल्वे मार्गावरील सेवा सुमारे १० ते १५ मिनिटे उशिराने लोकल सेवा धावत असल्याने घरी परतणाऱ्या प्रवाशांना रेल्वे स्थानकांवर अडकून तात्कळत लोकलची वाट पाहत रहावे लागत आहे. पावसामुळे हवेतील दृश्यमानता कमी होते. त्यामुळे खबरदारीचा उपाय म्हणून मोटरमन आणि लोको पायलेटला रेल्वे गाड्यांचा वेग कमी करावा लागतो

यामुळे लोकल आणि रेल्वे गाड्यांचा वेगावर बंधने येतात. परिणामी लोकलचे वेळापत्रक कोलमडते. मात्र . आठवड्याचा पहिल्याच दिवशी दिवसभरात लोकलची वाहतुक ठप्प झाली नसली तरी रेल्वेची वाहतुक विलंबाने धावत असल्याने प्रवाशांना कार्यालयात पोहचण्यासाठी लेटमार्क लागला आहे.