मुंबई - मुंबईत अजूनही पावसाला जोर धरलेला नाही. तलावात पाण्याचा साठा म्हणाला तसा वाढलेला नाही. त्यामुळे मुंबईकरांची चिंता वाढली आहे. यंदा पाऊस लांबल्यामुळे मुंबईला पाणीपुरवठा करणार्‍या सातही तलावांत केवळ 242861 दशलक्ष लिटर म्हणजे केवळ 16.28 टक्के पाणी शिल्लक आहे. समाधानकारण पावसाच्या प्रतिक्षेत आहेत. मुंबईच्या उपनगरात आज अधूनमधून सरीसरीनी पाऊस पडला.

मुंबईला अप्पर वैतरणा, मोडक सागर, तानसा, मध्य वैतरणा, भातसा, विहार आणि तुळशी अशा सात तलावांतून दररोज ३८५० दशलक्ष लिटर पाणीपुरवठा केला जातो. जुलै महिना सुरू झाला असला तरी तलाव क्षेत्रात पुरेसा पाऊस अद्याप सुरू नाही. पाऊस सरीसरीनी पडत आहे. त्यामुळे साठा वाढत नाही. तलावांच्या पाणलोट क्षेत्रात अजूनही म्हणाला तसा पाऊस पडत नाही.

मुंबई शहरात आजही सकाळपासून पाऊस सुरू होता. सरीसरीनी सुरू असलेल्या पावसाने दुपारनंतर उसंत घेतली. दुपारनंतर ऊन पडले. उकाडा वाढला होता. मुंबई शहरातही पाऊस गेल्या काही दिवस सुरू आहे. मुंबईत पाऊस सरीसरीनी पडू लागला आहे. पावसाने दैना उडाली. रस्ते जलमय झाले. सखल भागात पाणी भरले. मात्र समाधानकारक पाऊस पडलेला नाही.

सध्याचा जलसाठा (दशलक्ष लिटरमध्ये)

मोडक सागर 56637 (43.85 टक्के)

तानसा 58151 (40.08 टक्के)

मध्य वैतरणा 47256 (24.42 टक्के)

भातसा 66348 (9.25 टक्के)

विहार 10524 (38.00 टक्के)

तुळशी 4045 (50.57 टक्के)

तीन वर्षांतील स्थिती

२०२३ 242861 दशलक्ष लिटर

२०२२ 186973 दशलक्ष लिटर

२०२१ 286830 दशलक्ष लिटर

आजचा पाऊस

शहर - 31 मिलीमिटर

पूर्व उपनगर - 45 मिलिमिटर

पश्चिम उपनगर - 61 मिलिमिटर