डोंबिवली- पावसाचा फारसा जोर नसतानाही अवघ्या काही मिनिटांच्या पावसात नेवाळी चौकात पाणीच पाणी झाले आहे. एमआयडीसीने नाल्यांची सफाई केली नसल्याने नाले तुंबून पहिल्याच पावसात ही परिस्थिती ओढवल्याचे बोलले जात आहे.
नाल्याचे पाणी रस्त्यावर आल्याने वाहनचालकांची गैरसोय झाली. येथील वाहतूक अत्यंत धीम्या गतीने सुरू असून वाहनकोंडी चा सामना वाहनचालकांना करावा लागला.
डोंबिवली बदलापूर महामार्गावरील नेवाळी चौकात किरकोळ पावसानेच पूर सदृश्य परिस्थिती निर्माण झाली आहे. सदर परिसरात एमआयडीसीच्या मालकीचे असलेले नाले एमआयडीसी ने साफ केले नसल्याने नाल्यातील पाणी थेट महामार्गावर येऊन वाहन चालकांची मोठी कोंडी झाली.
महामार्गावरील डोंबिवली दिशेला येणाऱ्या मार्गिकेवर हे पाणी साचले असून या साचलेल्या पाण्यामुळे परिसरातील दुकान मालक देखील धास्तावले आहेत. शेजारीच असलेल्या एका प्राथमिक शाळेच्या आवारात देखील पाणी साचल्याने शालेय विद्यार्थी आणि शिक्षकांची गैरसोय झाली.
या महामार्गावरुन सकाळ संध्याकाळ मोठ्या प्रमाणात वाहनांची वर्दळ असते. नाल्यांची सफाई झाली नाही तसेच रस्त्याच्या कडेला विविध भागांतील घंटागाड्यांतून कचरा खाली केला जातो. हा साचलेला कचरा देखील या नाल्यांत वाहून गेल्याने नाले तुंबले आहेत. या परिस्थितीकडे एमआयडीसी प्रशासन लक्ष देते का हे आता पहावे लागेल.
या संदर्भात नेवाळी ग्रामपंचायत कार्यालयाशी संपर्क साधला असता नाले एमआयडीसीचे असल्याने त्यांचे काम असल्याचे सांगून ग्रामपंचायतीने आपले हात वर केले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.