गुरूवार मध्यरात्रीपासूनच पावसाचा जोर वाढला

मुंबई: शहर (Mumbai) आणि उपनगरात (Suburban) सकाळपासून पाऊस बरसत आहे. गेले काही दिवस पावसाचा जोर कमी होता पण पुढील 3 ते 4 तासांत (Next 3 hours) मुसळधार पावसाचा इशारा प्रादेशिक मोसम विभागाने (Weather Forecast) दिला आहे. गेले चार दिवस मुंबईत पावसाचा जोर कमी झाला होता. काही ठिकाणी पावसाच्या हलक्या सरी बरसल्या. बुधवारी मुंबईत केवळ सरासरी 2.6 मिमी पावसाची नोंद झाली. पण गुरूवारी मध्यरात्रीपासून पावसाने दमदार हजेरी (Heavy Rainfall) लावली. पावसाचा जोर दुपारपर्यंत आणखी वाढण्याची शक्यता आहे. तसेच, पुढील काही दिवस पावसाचा जोर असाच राहिल, अशी शक्यतादेखील वर्तवण्यात आली आहे. (Mumbai Rains Weather Forecast prediction Heavy Rainfall Expected in Suburban area in next few days)

उत्तर कोकण किनारपट्टीवर कमी दाबाचा पट्टा तयार झाल्याने मुंबई, ठाणे, पालघर आणि रायगड परिसरात मुसळधार पावसाची शक्यता हवामान विभागाने वर्तवली आहे. मुंबईत सकाळपर्यंत शहरात 76.16 मिमी, पूर्व उपनगरात 33.80 मिमी आणि पश्चिम उपनगरात 24.12 मिमी पावसाची नोंद झाली. हा जोर आणखी वाढेल असा अंदाज व्यक्त करण्यात आला आहे.