मुंबई : दिल्लीपाठोपाठ मुंबईत अल्पवयीन मुलांविरोधात घडलेल्या गुन्ह्यांची संख्या सर्वाधिक असल्याचे समोर आले आहे. 2018 मध्ये मुंबईत 3511 अल्पवयीन मुलांविरोधात घडलेल्या गुन्ह्यांची नोंद झाली होती. त्यात वाढ होऊन 2019 मध्ये 3640 गुन्ह्यांची नोंद झाली आहे. 

ही बातमी वाचली का? कोव्हिड मदतीसाठी राज्यातील 10 मृत पोलिसांचे कुटुंबीय अपात्र

केंद्रीय गुन्हे नोंद विभागाच्या (एनसीबीआरबी) 2019 च्या आकडेवारीनुसार मुंबईत अल्पवयीन मुलांच्या हत्येचे 13 गुन्हे मुंबईत घडले आहेत; तर अल्पवयीन मुलांवर लैंगिक अत्याचार करून हत्या झाल्याच्या दोन घटना घडल्या आहेत. मारहाणीचे 50 गुन्हे दाखल झाले आहेत. गंभीर मारहाणीचे 13 गुन्हे 2019 मध्ये मुंबईत दाखल झाले होते. आंतरराष्ट्रीय विमान वाहतूक मोठ्या प्रमाणात होत असल्यामुळे मुंबईत मानवी तस्करीचे 20 गुन्हे मुंबईत दाखल असून, त्यात 69 पीडित मुलांचा समावेश आहे. 

ही बातमी वाचली का? "तुंबई' टाळण्यासाठी कल्पना; मुंबईत ठिकठिकाणी मिनी पम्पिंग स्टेशन 

बाल लैंगिक अत्याचार प्रतिबंधक कायद्याअंतर्गत (पोक्‍सो) 2019 मध्ये मुंबईत 1319 गुन्ह्यांची नोंद झाली आहे. याबाबतही मुंबई देशात दुसऱ्या क्रमांकावर आहे. दिल्लीमध्ये पोक्‍सोअंतर्गत सर्वाधिक 1662 गुन्ह्यांची नोंद झाली होती. अल्पवयीन मुलींवर बलात्काराच्या 622 गुन्ह्यांची नोंद झाली आहे; तर विनयभंगाचे 609 गुन्हे दाखल झाले होते. याबाबत मुंबईत देशात प्रथम क्रमांकावर आहे. मुंबईत 2019 अल्पवयीन मुलांवर अनैसर्गिक अत्याचाराचे 46 गुन्ह्यांची नोंद करण्यात आली होती. 

ही बातमी वाचली का? महाराष्ट्र पोलीसांवर आरोप करणारे आता बिळात लपून बसले; अनिल देशमुखांचा घणाघात

सलग तीन वर्ष दिल्ली, मुंबई आघाडीवर 
अल्पवयीन मुलांविरोधात घडलेल्या गुन्ह्यांच्या आकडेवारीत गेल्या तीन वर्षांपासून दिल्लीनंतर मुंबई देशात आघाडीवर आहे. दिल्लीत 2017, 2018 व 2019 मध्ये अनुक्रमे 6844, 6853 व 7565 गुन्ह्यांची नोंद झाली होती. दिल्ली याबाबत देशात आघाडीवर आहे. त्याच्या पाठोपाठ मुंबईत अल्पवयीन मुलांविरोधात सर्वाधिक गुन्हे घडले आहे. मुंबई 2017 पासून 2019 पर्यंत अनुक्रमे 3790, 3511 व 3640 गुन्ह्यांची नोंद झाली होती. 

तुलनात्मक आकडेवारी 

---------------------------
(संपादन : गोरक्षनाथ ठाकरे)