मुंबई : गेल्या काही दिवसांपूर्वी 20 हजारांच्या घरातील मुंबईतील कोरोना (Corona Mumbai News) रूग्णांच्या संख्येत मागील काही दिवसांपासून सात्यत्याने घट होताना दिसत आहे. दरम्यान, गुरुवारी देखील यामध्ये मोठी घट दिसून आली असून, कोरोना बाधितांच्या तुलनेत कोरोनामुक्त (Corona Discharge In Mumbai) होणाऱ्या रूग्णांची संख्या वाढल्याचे चित्र आहे. मुंबईत गेल्या 24 तासांत 1,384 नव्या कोरोना बाधितांची नोंद करण्यात आली तर, 12 जणांचा कोरोनामुळे मृत्यू झाला आहे. तर, मागील 24 तासांत तब्बल 5 हजार 686 जणांनी कोरोनावर मात केली असून, मुंबईचा रिकव्हरी रेट 96 टक्के इतका नोंदविला गेला आहे. (Mumbai Latest Covid Updates In Marathi)

दरम्यान, मुंबईमध्ये गेल्या काही दिवसांपासून नव्या कोरोना बाधितांची संख्या सातत्याने कमी होताना दिसत आहे, तर दुसरीकडे नव्या बाधितांपेक्षा कोरोनामुक्त होणाऱ्यांची संख्या सातत्याने वाढत आहे. त्यामुळे मुंबईकरांसह प्रशासनाच्या चिंता कमी होताना दिसत आहे. सध्या मुंबईत 18 हजार 40 सक्रिय कोरोनारुग्ण आहेत. मुंबईमध्ये आतापर्यंत कोरोनामुळे मृत्यू झालेल्यांची संख्या 16 हजार 581 इतकी झाली आहे. (Mumbai Corona Active Cases)