मुंबई : मुंबईतील साकीनाका परिसरात जंगलमंगल रोड परिसरात आग लागल्याची घटना घडली आहे. आगीचे कारण अजून स्पष्ट झाले नसून अग्निशामक दलाच्या गाड्या घटनास्थळी दाखल झाल्या असून बचावकार्य सुरू आहे.

(Mumbai Sakinaka Fire Accident Latest Updates)

अधिक माहितीनुसार, साकीनाका परिसरातील बारदान गल्लीत ही आगीची घटना घडली असून स्थानिकांच्या म्हणण्यानुसार प्लास्टिकच्या गोडाऊनला ही आग लागली आहे. सकाळी साडेसहा वाजण्याच्या सुमारास ही आग लागली आहे. तर सध्या घटनास्थळी अग्निशामक दलाच्या आठ गाड्या दाखल झाल्या असून आग विझवण्याचे काम सुरू आहे.

आग लागली तेव्हा गोडाऊनमध्ये कोणीही नव्हतं, त्यामुळे या घटनेत कोणतीही जिवीतहानी झाली नसल्याचं स्थानिकांनी सांगितलं आहे. पण या दुर्घटनेत मालाचं मोठं नुकसान झालं असून कमी जागा असतानाही अग्निशामक दलांच्या जवानांचे आग विझवण्यासाठी शर्थीचे प्रयत्न सुरू आहेत.