मुंबई - मुंबई (Mumbai) आणि परिसरात मागील आठवड्याभरात कोरोनाची रुग्णसंख्या (Corona Patients) प्रचंड मोठ्या प्रमाणात वाढत असल्याने या परिसरातील दहावी (SSC) आणि बारावीचे (HSC) सुरू असलेले वर्ग शाळाही बंद (School Close) करून त्यातील शिक्षण ऑनलाईन (Online) सुरू ठेवले जाणार आहे. यासाठी महापालिका (Municiapal) शिक्षण विभागाने हे वर्ग-शाळा बंद करून त्यातील शिक्षण ऑनलाईन सुरू ठेवणे विद्यार्थ्यांच्या (Student) आरोग्यासाठी हिताचे ठरणार असल्याचा एक प्रस्ताव तयार करून तो महापालिका आयुक्तांकडे सादर केला असल्याची माहिती शिक्षण विभागातील वरिष्ठ अधिकारी सूत्राकडून देण्यात आली.

शिक्षण विभागाने पाठविलेल्या प्रस्तावावर आयुक्तांकडून लवकरच निर्णय घेतला जाणार असल्याने मुंबईतील दहावी-बारावीचे सुरू असलेले वर्ग शाळा बंद होऊन त्यात ऑनलाईन शिक्षण सुरू राहणार आहे.

मुंबई आणि परिसरात दहावी, बारावी मंडळाच्या परीक्षा, विज्ञान प्रात्यक्षिकांचा सराव, तोंडी आणि श्रेणी विषयांचा सराव पाहता दहावी, बारावीचे प्रत्यक्ष वर्ग सुरू ठेवण्यात आले. मात्र गेल्या काही दिवसांत मुंबईतील शाळांमधील बरेच शिक्षक तसेच त्यांच्या कुटुंबातील इतर सदस्यांना कोरोनाची लागण झाल्याचे प्रकार समोर आले आहेत. तर दुसरीकडे ही सर्व परिस्थिती लक्षात घेऊन काही शिक्षक शिक्षक संघटनांनीही दहावी-बारावीचेही शिक्षण ऑनलाईन पद्धतीने सुरू ठेवण्याची मागणी लावून धरल्याने त्यासाठीचा प्रस्ताव शिक्षण विभागाने तयार करून तो महापालिका आयुक्तांकडे आजच सादर केला असल्याचेही सांगण्यात आले.