मुंबई - महाराष्ट्र दिनाचे औचित्य साधून राज्य शासनाच्या वतीने १ मे रोजी एसटी महामंडळाच्या विविध योजनेचा शुभारंभ करण्यात येणार आहे. शिवाय १ मे पासून मुंबई पुणे द्रुतगती महामार्गावर इलेक्ट्रिक शिवनेरी सोडण्यात येणार असण्याची शक्यता असून, ई शिवनेरीचे लोकार्पण सुद्धा केले जाणार आहे. या कार्यक्रमाला मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांची प्रमुख उपस्थिती राहणार आहे.

एसटीच्या सदिच्छा राजदुताची घोषणा, स्वच्छ सुंदर बस स्थानक अभियानाचा शुभारंभ, एसटीच्या लघुपटाचे प्रदर्शन सुद्धा यावेळी केले जाणार असल्याची माहिती एसटी प्रशासनाने दिली आहे.

या कार्यक्रमाला शालेय शिक्षण मंत्री दीपक केसरकर, पर्यटन मंत्री मंगलप्रभात लोढा, खासदार अरविंद सावंत, परिवहन प्रधान सचिव पराग जैन नैनुटिया आणि एसटी महामंडळाचे व्यवस्थापकीय संचालक शेखर चन्ने यांची उपस्थिती राहणार असल्याचे आहे.