मुंबई : मुंबई महापालिकेने युवानेते आदित्य ठाकरे यांच्या संकल्पनेतून आधुनिक शिक्षण देण्यासाठी आणि दप्तराचे ओझे कमी करण्यासाठी पालिका शाळेतील विद्यार्थ्यांना मोठा गाजावाजा करत टॅबचे वाटप केले होते; मात्र हजारो विद्यार्थ्यांचे टॅब मेमरी कार्डअभावी पडून आहेत. त्यावरून राष्ट्रवादी कॉंग्रेसच्या नगरसेविका सईदा खान यांनी शिक्षण समितीच्या बैठकीत शिक्षण खात्याला धारेवर धरत नाराजी व्यक्त केली. त्यावर शिक्षण समिती अध्यक्षा अंजली नाईक यांनी 9 जानेवारी 2020 ला होणाऱ्या विशेष बैठकीत टॅबच्या सद्यस्थितीचा सविस्तर अहवाल सादर करावा असे आदेश प्रशासनाला दिले. 

महत्वाची बातमी - विकास म्हणजे क्रॉंक्रीटीकरण नव्हे - उद्धव ठाकरे

मुंबई महापालिका शाळांतील विद्यार्थ्यांच्या पाठीवरचे दप्तराचे ओझे कमी करण्यासाठी आणि माहिती व तंत्रज्ञानाच्या युगात आधुनिक पद्धतीने शिक्षणाचे धडे देण्यासाठी 2014 पासून आठवी ते दहावीच्या विद्यार्थ्यांना 40 हजार टॅब देण्यात आले; मात्र बहुसंख्य टॅब मेमरी कार्डअभावी बंदच आहेत. आता दहावीच्या विद्यार्थ्यांची परीक्षा तोंडावर आलेली आहे; मात्र तरीही शिक्षण विभागाकडून अशा गंभीर बाबीकडे दुर्लक्ष करण्यात येत आहे, अशी तक्रार सईदा खान यांनी शिक्षण समितीच्या बैठकीत केली.

मी तुझ्यावर प्रेम करतो म्हणत, मुख्याध्यापकाचे विद्यार्थीनीशी अश्लिल चाळे

विद्यार्थ्यांना सुस्थितीतील टॅब अभ्यासासाठी उपलब्ध होत नसल्याने खान यांनी तीव्र नाराजी व्यक्त करीत प्रशासनाला चांगलेच फैलावर घेत जाब विचारला. 

पालिका शाळांत देण्यात आलेल्या टॅबची संख्या किती, किती टॅब बंद झाले, किती वापरात आहेत आदींबाबतची सर्व माहिती प्रशासनाने द्यावी, अशी मागणी शिवसेनेचे सदस्य साईनाथ दुर्गे यांनी केली. अन्य सदस्यांनीही, जर टॅब देऊनही त्याचा योग्य वापर होत नसेल, तर त्याचा उपयोग काय, असा सवाल करीत प्रशासनावर चांगलीच तोफ डागली. 

एसटीच्या सवलती हव्या, तर स्मार्ट कार्ड हवेच वाचा संपुर्ण बातमी

खर्च करण्यापेक्षा नवीन टॅब घ्या 
टॅबखरेदीसाठी अगोदरच पालिकेने कोट्यवधी रुपयांचा खर्च केलेला आहे. आता एवढ्या कालावधीनंतर दुरुस्तीसाठी आणखी पैसे खर्च करण्यापेक्षा पालिकेने नवीन टॅब खरेदी करावेत, अशी सूचनाही साईनाथ दुर्गे यांनी केली.