डोंबिवली : कल्याण पश्चिमेतील स्वामी समर्थ मठाच्या परिसरातील एक चारचाकी गाडी अज्ञात चोरट्यानी चोरुन नेली आहे. रमेश शिंत्रे यांची पांढऱ्या रंगाची गाडी चोरटे चोरून नेत असल्याची घटना सीसीटीव्ही मध्ये कैद झाली आहे. याप्रकरणी खडकपाडा पोलीस ठाण्यात तक्रार दाखल करण्यात आली आहे. चोरीची घटना घडून 20 दिवस उलटले आहेत मात्र अद्याप गाडीचा शोध लागला नसून चोरटे देखील मोकाट फिरत आहेत.

कल्याण पश्चिमेतील स्वामी समर्थ मठाच्या परिसरातुन चारचाकी गाडी 9 जून ला चोरीला गेली होती. ही गाडी रमेश शिंत्रे यांनी स्वामी समर्थ मठाचे उत्तराधिकारी सचिन चांदे आणि प्रथमेश मोडक महाराज यांच्या सेवेसाठी दिली होती. मठातील

महाराजांना इतर ठिकाणी मठामध्ये व कार्यक्रमासाठी जाण्यासाठी या वाहनाचा वापर केला जात होता. ही गाडी 9 जून रोजी मठाच्या परिसरातून काही अज्ञात व्यक्तीनी चोरी केली. यासंदर्भातील तक्रार खडकपाडा पोलीस ठणयात देऊन 20 दिवस उलटूनही अद्याप चोरटे मोकटच आहे. यामुळे लवकरात लवकर गाडीचा छडा लावावा आणि आरोपींना अटक करावी अशी मागणी स्वामी समर्थ मठातील सेवक दुषांत ढवळे यांनी केली आहे. तसेच चारचाकी वाहन चोरीला जात असल्याने परिसरातील इतर वाहनचालकांन मध्ये देखील भीतीचे वातावरण पसरले आहे.