मुंबई : कोविड काळात जिव धोक्‍यात घालून कर्तव्य बजावणाऱ्या सहा बंधूची ओवाळणी करुन आज महापौर किशोरी पेडणेकर यांनी भाऊबीज साजरी केली.

वांद्रे कुर्ला संकुल जम्बो कोविड सेंटरचे प्रमुख डॉ.राजेश ढेरे, सेव्हन हिल्स रुग्णालयाचे विशेष कार्यकारी अधिकारी डॉ.महारुद्र कुंभार, बॅंक ऑफ महाराष्ट्रच्या मुंबई दक्षिण विभागाचे महाप्रबंधक मनोज करे, बॅंक ऑफ महाराष्ट्र केंद्रीय कार्यालय पुणे येथील व्यवसाय बुद्धि विभागाचे उपमहाप्रबंधक अतुल जोशी, कालिदास कावले, भिवंडी येथील शिवस्पर्श प्रतिष्ठानचे अध्यक्ष शेखरलाल फरमन यांची ओवाळणी महापौरांनी केली.

ही ओवाळणी प्रातिनिधीक असून कोविड काळात जिव धोक्‍यात घालून कर्तव्य बजावणाऱ्या प्रत्येक व्यक्तीचा हा मान असल्याचे महापौरांनी नमुद केले.तसेच,ओवाळणी महापौर निधीला अर्पण करण्याचे आवाहनही महापौरांनी केले.बॅक ऑफ महाराष्ट्राने राज्यात ओढावलेल्या पुर संकटाच्या वेळीही सहकार्य केले असल्याचा उल्लेख महापौरांनी यावेळी आवर्जुन केला.