डोंबिवली - पावसाळा सुरू होत नाही तोच मानपाडा पोलिसांची डोकेदुखी वाढली आहे. जोरदार पाऊस येताच पोलीस ठाण्यात पाणी साचण्याचे प्रकार घडतात. यंदाही अवघ्या तासाभराच्या पावसाने पोलीस ठाण्यात पाणी शिरले आणि पाण्यात उभे राहून काम करायची वेळ पोलिसांवर आली.
पावसाचा जोर कमी होताच काही प्रमाणात पाण्याचा निचरा झाला तरी पण अख्या पोलीस ठाण्यात पाणी असल्याने ठाण्यात येणारे नागरिक व पोलीस पाण्यात बसूनच काम करताना दिसले.
कल्याण डोंबिवली शहरात सकाळ पासूनच पावसाचा चांगला जोर राहिला आहे. अवघ्या काही तासांच्या पावसाने कल्याण डोंबिवली मधील अनेक सखल भागात पाणी साचल्याचे पहायला मिळाले. शहरातील रस्ते पाण्याखाली तर गेलेच मात्र दुकान, चाळ परिसरातील घरांत देखील पाणी शिरल्याने सगळ्यांचीच तारांबळ उडाली.
शहरातील अनेक परिसर हे जलमय झाल्याने केडीएमसीचा नालेसफाईचा दावा फेल ठरल्याचे दिसून येत आहे. नाले, गटारे तुंबून त्यातील पाणी रस्ते, दुकानात शिरले असून नागरिकांनी संताप व्यक्त केला आहे.
कल्याण डोंबिवलीत बुधवारी सकाळ पासून पावसाची संततधार सुरू आहे. पावसाचा वेग कमी जास्त असून सकाळी 11 नंतर मात्र पावसाचा जोर वाढला. अवघ्या काही तासाभराच्या जोरदार पावसाने मात्र केडीएमसी प्रशासनाच्या नाले सफाई कामाची पोल खोलली आहे. डोंबिवली स्टेशन परिसरातील आगरकर रोड, पाटकर रोड, पथ रोड, केळकर रोडवर गुडघाभर पाणी साचले.
येथील दुकानांत देखील पावसाचे पाणी शिरले. तोच दुकानदारांची दुकानातील सामान हलविण्यासाठी धडपड सुरू झाली. दुकानातील पाण्याचा उपसा करूनही गटारातील पाणी दुकानात येत असल्याने अखेर दुकांदारांनीच गटारांची झाकणे उघडून पाण्याला वाट करून दिली.
यामुळे काही प्रमाणात दिलासा मिळाला असला तरी गटारे देखील तुंबलेली असल्याने गटारातील पाणीच काही ठिकाणी बाहेर येत असल्याचे दिसुन आले. यामुळे गटारांची सफाई नक्की झाली का असा प्रश्न उपस्थित केला जात आहे.
डोंबिवली पूर्वेकडील लोढा हेवन परिसरतील रस्त्यावर पाणी साचले होते. कल्याण नेतीवली परिसरातील चाळींमध्ये पाणी शिरले होते. तर कल्याण पूर्वेकडील आडीवली ढोकली परिसरात रस्त्यावर गुडघा भर पाणी साचल्याने नागरिक वाहनचालक, शाळकरी विद्यार्थ्यांचे हाल झाले. याच परिसरातील अनेक चाळी इमारती मध्ये देखील पाणी शिरले होते.
डोंबिवलीच्या मानपाडा पोलीस ठाण्यात देखील पाणी शिरलं त्यामुळे पोलीस कर्मचाऱ्यांची चांगलीच तारांबळ उडाली होती. डोंबिवली एमआयडीसी परिसरात रस्त्यावर पाणी साचल्याने वाहनचालकांना यातून मार्ग काढताना कसरत करावी लागत होती. यामुळे वाहतूक संथ गतीने सुरू होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.