मुंबई - मुंबईत पार्किंगसाठी जागा नाही. भविष्यात ही समस्या आणखी गंभीर होणार आहे. त्यामुळे पालिकेने ही समस्या सोडविण्यासाठी मॅकेनिकल रोबोट प्रणालीचा वापर करण्याचे ठरविले आहे. बहुस्तरीय यात्रिकी वाहनतळ अंतर्गत शटल व रोवो पार्किंग प्रकारचे वाहनतळ उभारण्यासाठी पालिका प्रशासनाने कंत्राटदाराची नियुक्ती केली आहे. मुंबईत पाच जागा बहुस्तरीय वाहनतळासाठी पालिकेने निश्चित केल्या आहेत. त्यामुळे मुबईतील वाहतूक कोंडी लवकरच फुटणार आहे.

मुंबईतील वाहतूक कोडी आणि पार्किंगची समस्या भविष्यात अधिक गुतुगुतीची होणार आहे. ही समस्या सोडविण्यासाठी नजिकच्या काळात बहुस्तरीय पार्किंग सुविधा तसेच मॅकेनिकल रोबोट प्रणालीचा वापर यावर भर देण्यात येणार असल्याची माहिती पालिका प्रशासनाने दिली. पार्किंग सुविधेसाठी मुंबईत बहुस्तरीय यात्रिकी वाहनतळ बांधण्यात येणार आहे. त्यात माटुंगा येथे 575 आणि मुवादेवी येथे 546 गाड्याच्या पार्किंगसाठी जागा उपलब्ध होणार आहेत. शटल आणि रोबो पार्किंग प्रकारचे वाहनतळ उभारण्यासाठी कनाटदाराची नियुक्ती करण्यात आली असून, या दोन ठिकाणच्या कामासाठी कार्यादेश देण्यात आल्याची माहिती पालिका प्रशासनाने दिली.

बहूस्तरीय पार्किंग सुविधेसाठी वांद्रे पश्चिम येथील पटवर्धन पार्क, भायखळा येथील वीरमाता जिजाबाई भोसले उद्यान आणि प्राणीसंग्रहालय तसेच इंजिनिअरिंग हब वरळी या तीन जागाही पालिकेने निश्चित केल्या असल्याची माहिती पालिकेने दिली आहे. या कामासाठीही लवकरच कार्यादेश देण्यात येणार आहेत.

उद्यानाच्या जमीनीचाही होणार वापर

पालिकेच्या उद्याने आणि क्रीडांगणांच्या जमीनीखालील जागेचा तसेच जमीनीवरील मोकळ्या जागेचाही बहुस्तरीय वाहनस्थळासाठी वापर करण्याचा निर्णय पालिकेने घेतला आहे.

उत्पन्न दर्जेदार सुविधासाठी वापरणार

वाहनतळातून मिळणारे उत्पन्न पालिकेच्या इतर कामासोबतच वाहनतळाच्या पायाभूत सुविधा आणि इतर सार्वजनिक वाहतूक व्यवस्थेची सुधारणा करण्यासाठी तसेच पादचा-यांना सुविधा देण्यासाठी वापरण्यात येईल अशी माहिती प्रशासनाने दिली आहे.