मुंबईः गेल्या चार ते पाच महिन्यांपासून कोरोना व्हायरस तळं ठोकून आहे. कोरोनाबाधित रुग्णांचा आकडा दिवसेंदिवस वाढताना दिसत आहे. मुंबई शहरात कोरोनाचा प्रार्दुभाव जास्त प्रमाणात झालेला दिसतो. मुंबईत कोरोनाचा उद्रेकही दिवसेंदिवस वाढत चालला आहे. दरम्यान राज्य सरकार हळूहळू मुंबई अनलॉक करत आहे. बऱ्याच प्रमाणात लॉकडाऊनमधील निर्बंध शिथिल करण्यात आलेत. कोरोनाचा प्रसार रोखण्यासाठी प्रशासनाकडून विविध पातळीवर प्रयत्न करण्यात येत आहे. अशातच अनलॉक केल्यानंतर गर्दी होऊ नये यासाठी सरकार अनेक उपाय करताना दिसत आहे. मात्र तरीही गर्दी कमी होत नसल्यानं मुंबई पोलिसांनी कारवाई करण्यास सुरुवात केली आहे. 

दोन दिवसांपूर्वीच परवाना नसतानाही वाहन चालवणाऱ्यांविरुद्ध आणि कारणास्तव वाहन बाहेर काढणाऱ्यांविरुद्ध कारवाई करण्याचा इशारा पोलिसांनी दिला होता. त्यानंतर आता मुंबई पोलिसांनी कारवाई करण्यास सुरुवात केली आहे. मुंबई वाहतूक पोलिसांनी गेल्या ४ दिवसात तब्बल दोन हजारांहून अधिक गाड्या जप्त केल्यात.

अधिक वाचाः  सुशांतच्या मृत्यूच्या आधी एक आठवडा काय घडलं? कामगारानं सांगितला घटनाक्रम

नियम मोडणाऱ्या वाहन चालकांवर कारवाई करून ही वाहने जप्त केली असल्याच पोलिसांनी सांगितलंआहे.  फक्त नियम मोडले ही कारवाई होणार नसून ती कारवाई तुमच्या सुरक्षेसाठीही आवश्यक असल्याचं पोलिसांनी सांगितलं होतं. 

हेही वाचाः  मुंबईकर, गणेश विसर्जनावेळी पालिकेचे 'हे' नियम लक्षात ठेवा; नाहीतर...

मुंबई पोलिसांनी स्वत:च्या ट्विटर हँडलवरून एक माहिती दिली होती. जर विनाकारण किंवा विनापरवाना तुम्ही रस्त्यावर गाडी चालवत असाल, तर तुमच्यावर कारवाई होऊ शकते, असं ट्विट पोलिसांनी केलं होतं. 

सध्या मुंबई शहर कोरोनाविरुद्धची लढाई लढत आहे. त्यामुळे नियमांचं पालन करणं हे सर्वाची जबाबदारी असून गरजेचं असल्याचं पोलिसांनी म्हटलं आहे. यामुळे नियम भंग केल्यास पोलिस कारवाई करतील आणि त्यासोबतच वाहनही जप्त करतील असा इशाराच मुंबई पोलिसांनी दिला. त्यामुळे मुंबईत गाडी चालवत असाल तर दहा वेळा विचार करा नाहीतर तुम्हालाही पोलिसांच्या कारवाईला तोंड द्यावं लागण्याची शक्यता आहे.

Mumbai Traffic Police seized more than 2000 vehicles in the last 4 days