मुंबई - एकनाथ शिंदे यांनी केलेल्या बंडामुळे उद्धव ठाकरे यांच्या हातून शिवसेना पक्षासह आमदार आणि खासदार निघून गेले. त्यातच एका वर्षानंतर विधान परिषद आमदार मनिषा कायंदे देखील यांनी शिंदे गटात प्रवेश केला. आता मुंबईतही ठाकरे गटाला गळती लागण्याची शक्यता व्यक्त करण्यात आली असून ठाकरे गटाने सावध भूमिका घेतली आहे.

आज ठाकरे गटाने शिवसेनेचा ५७वा वर्धापण दिन साजरा केला. यावेळी उद्धव ठाकरे यांनी उपस्थितांशी संवाद साधला. आता उद्या मंगळवारी १२ वाजता ठाकरे गटाकडून मुंबईतील शिवसेना भवन येथे माजी नगरसेवकांची बैठक आयोजित कऱण्यात आली आहे.

या बैठकीत उद्धव ठाकरे माजी नगरसेवकांना करणार मार्गदर्शन आहे. आगामी महानगरपालिका निवडणुकीच्या दृष्टीने आढावा घेतला जाणार आहे. माजी नगरसेवकांचे शिंदे गटात जाण्याचे प्रमाण वाढत असल्याने ठाकरे गटात चिंतेचे वातावरण. या पार्श्वभूमीवर ही बैठक बोलवण्यात आली आहे.