Mumbai Rain Accident: मुंबईच्या व्रिकोळी परिसरातील एका नव्या इमारतीचा स्लॅब कोसळून सुरक्षारक्षक आणि त्याच्या दहा वर्षाच्या मुलाचा दुर्दैवी मृत्यू झाला आहे. मिळालेल्या माहितीनुसार, लहान मुलगा वडिलांना डब्बा देण्यासाठी आला होता. त्यावेळी पाऊस सुरू असल्याने तो तिथेच वडिलांसोबत थांबला आणि अनर्थ घडला.

मुंबईतील अनेक भागात रविवारी सकाळपासून पाऊस पडत आहेत. व्रिकोळी परिसरात नवी इमारतीमध्ये सदर मृत व्यक्ती सुरक्षारक्षक म्हणून काम करत होता. यावेळा दहा वर्षाचा मुलगा त्याला डब्बा देण्यासाठी आला. पाऊस जोराचा सुरु असल्याने वडिलांनी मुलाला त्यांच्याकडेच थांबवलं. याच वेळी ही दुर्घटना घडली. यात बाप-लेकाचा मृत्यू झाला आहे.

पहिल्या मजल्याचा स्लॅब कोसळला आणि तो बाप-लेकाच्या अंगावर पडला. त्यांना जवळच्या हॉस्पिटलमध्ये दाखल करण्यात आले होते. पण, डॉक्टरांनी त्यांना मृत घोषित केलं. नव्या इमारतीचा स्लॅब कोसळल्याने अनेक प्रश्न उपस्थित केले जात आहेत. याप्रकरणी दोषी असणाऱ्यांवर कारवाई होणार का? हे पाहावं लागणार आहे.