मुंबई : मोडकळीस आलेल्या खासगी शाळांना महापालिका शाळेतील वर्ग भाड्याने देण्यात येणार आहे.मात्र,त्यासाठी व्यावसायिक दराने शुल्क आकारण्यात येणार असून प्रत्येक खोलीसाठी 1ते 2 लाखा पर्यंतची अनामन ठेव भरावी लागणार आहे.या धोरणाचा मसुदा पालिका प्रशासनाने शिक्षण समितीच्या पटलावर मांडली आहे.

मुंबईतील बातम्या वाचण्यासाठी येथे क्लिक करा

खासगी शाळा मोडकळीस अाल्यानंतर त्यांच्या दुरुस्तीसाठी वेळ खर्च होत असल्याने विद्यार्थ्यांचे नुकसान होते.त्यामुळे अशा शाळांना पालिकेच्या शाळेतील वर्गखोल्या उपलब्ध करुन द्याव्यात अशी मागणी महापौर किशोरी पेडणेकर यांनी 2018 मध्ये प्रभाग समिती अध्यक्ष असताना केली होती.त्यामागणी नुसार पालिकेने धोरण तयार केले आहे.यात,अतिधोकायक म्हणजे ज्या शाळेची इमारत संपुर्ण पणे पाडून नव्याने बांधकाम करायची आहे.अशा शाळांनाच वर्ग खोल्या भाड्याने देण्याचा निर्णय प्रशासनाने घेतला आहे.त्यासाठी व्यावसायिक दराने शुल्क आकारण्यात येणार आहे.तसेच,मराठी शाळांसाठी प्रत्येक खोलीसाठी 1 लाख रुपये अशी किमान दहा खोल्यांसाठी 10 लाख आणि मराठी व्यतिरीक्त इतर शाळांसाठी 2 लाख या प्रमाणे 20 सुरक्षा ठेव जमा करुन घेतली जाणार आहे.तसेच,तीसऱ्या वर्षी नंतर मासिक शुल्कात दुप्पट वाढ प्रस्तावित करण्यात अाली आहे.

हेही वाचा - तुम्ही शिका शुल्क आम्ही भरु; BMCचीअभिनव योजना

जास्तीत जास्त 5 वर्षांसाठी पालिकेच्या शाळा वापरता येणार आहे.त्यानंतर ही जागा न सोडल्यास बळाचा वापर करण्यात येईल.असे प्रशासनाने या मसुद्यात नमुद केले आहे.हा मसुदा सोमवारी(ता.14) होणाऱ्या शिक्षण समितीच्या बैठकीत चर्चेसाठी मांडण्यात आला आहे.

----------------------------------------------------------------

( संपादन - तुषार सोनवणे )