मुंबई : आपल्या विविध मागण्यांसाठी आता चित्रपटसृष्टीत (film industry) काम करणारे कॉश्युम्स, मेकअप आर्टिस्ट, हेअर ड्रेसर्स (make up artist) कामगार 15 ऑगस्टला (Independence day) गोरेगावच्या (Goregaon film city ) दादासाहेब फाळके चित्रनगरीच्या प्रवेशद्वारासमोर आंदोलन छेडणार (strike) आहेत.

सिने कॉश्युम्स, मेकअप आर्टिस्ट अँड हेअर ड्रेसर्स युनियनचे सचिव सुनील कसबे यांनी पत्रकार परिषद घेतली. फिल्म स्टुडिओ सेटिंग अँड अलाईड मजदूर युनियनचे सचिव निशांत सकपाळ हेही यावेळी उपस्थित होते. कोरोनामुळे मृत्यू झालेल्या कामगारांच्या कुटुंबियांना आर्थिक मदत करावी, वर्षानुवर्षे या क्षेत्रात चाललेला भ्रष्टाचाराची चौकशी करावी , राजू साप्ते यांच्या आत्महत्येची सरकारने चौकशी करावी, अशा विविध मागण्यांसाठी 15 ऑगस्ट रोजी आंदोलन करणार असल्याची घोषणा केली.

सिने कॉश्च्युम्स, मेकअप आर्टिस्ट अँड हेअर ड्रेसर्स युनियन चे सचिव सुनील कसबे म्हणाले, "कोरोनामुळे अनेकांच्या पोटावर पाय आले. कामगारांना कोणतीही आर्थिक मदत, वैद्यकीय मदत, मृत सभासदांच्या नातेवाईकांना आर्थिक मदत केलेली नाही. तरी त्याबाबतचा निषेध म्हणून हे आंदोलन करणार आहोत. तसेच देशात कोरोना महामारी सुरु होऊन गेल्या दोन वर्षापासून हातावर बोट घेवून जगणारा रंगभूषाकार, वेशभूषाकार, केशभूषाकार,मजदूर वर्ग,देशोधडीला लागला आहे. तर असंख्य कामगार कामाअभावी मेटाकुटीला आला आहे. या मागण्यांच्या पुर्ततेसाठी हजारोंच्या संख्येने कामगार जमणार आहेत.राजू साप्तेच्या आत्महत्येप्रकरणातील दोषींना कठोर शिक्षा व्हावी, असेही निशांत सकपाळ म्हणाले.