महाविकास आघाडी सरकारच्या काळातील प्रकल्पांचं उद्घाटन नरेंद्र मोदी यांच्या हस्ते करून श्रेय लाटण्याचा प्रयत्न केला जातोय, असा आरोप शिवसेनेतर्फे केला जातोय. त्यावरून भाजप प्रवक्ते केशव उपाध्ये यांनी सडोतोड उत्तर दिले आहे. (Narendra Modi Mumbai Visit bjp keshav upadhyay Shivsena politics Mumbai Metro )

पंतप्रधान नरेंद्र मोदी यांचा आज मुंबई दौरा आहे. मोदी यांच्या हस्ते आज विविध विकास कामांचं भूमिपूजन आणि लोकार्पण होणार आहे. दरम्यान यावरुन शिवसेनेने भाजपवर हल्लाबोल चढवला आहे. दरम्यान, केशव उपाध्ये यांनी सेनेच्या आरोपाला प्रत्युत्तर दिले आहे.

शेअर बाजारात सततचे लाॅसेस? मग यापैकी कुठली चूक होतेय? घ्या जाणून

काय म्हणाले उपाध्ये?

कुठलं काम शिवसेनेनं केलं. उलट ज्या मेट्रोची सुरुवात उपमुख्यमंत्री देवेंद्र फडणवीस यांनी केली त्याला विलंब करण्याच काम उद्धव ठाकरेंनी केलं. चांगले रस्त्ये शिवसेनेला मुंबईकरांना देता आले नाहीत. आत्ता चांगल्या रस्त्यांना सुरुवात होत आहे. त्यातही शिवसेनेला अस्वस्था वाटत आहे. जळजळ दिसत आहे.

त्यामुळे उगाचाच न केलेल्या कामांवर गमजा मारु नका. लोकांची दिशाभूल करु नका. लोकांना माहिती आहे काम कोणी केलं आहे. आणि ज्या कामाची देवेंद्र फडणवीसांनी सुरुवात केली त्याचेच उद्घाटन नरेंद्र मोदी करणार आहेत.

सेनेचे आरोप

मुंबईतील पहिल्या मेट्रोपासून सुरू झालेलं श्रेयवादाचं राजकारण आता दहिसर मेट्रोपर्यंतही सुरूच असल्याचं दिसून येतंय. मुंबईतील मेट्रो 7 आणि मेट्रो 2अ चं लोकार्पण पंतप्रधान मोदींच्या हस्ते होणार आहे. या दोन्ही प्रकल्पाच्या श्रेयवादावरुन लढाई सुरु झालेली आहे. ट

पहिल्या फेजचं उद्घाटन गुढीपाढव्याच्या मुहूर्तावर तत्कालीन मुख्यमंत्री उद्धव ठाकरेंच्या हस्ते झालं होतं. अशात सरकार बदलताच शिंदे-फडणवीस सरकारनं या प्रकल्पाच्या दुसऱ्या फेजचे उद्घाटन थेट पंतप्रधान नरेंद्र मोदींच्या हस्ते करण्याचं ठरवलं. आम्हीच सुरु केलेले प्रकल्पं पुढे नेले जात असल्याचा टोला संजय राऊतांनी लगावलाय.