ठाणे - तुमच्या हिम्मत असेल तर वरळीत लढा. वरळी सोडून शिवडी हा पर्याय का शोधता असा सवाल शिवसेना प्रवक्ते नरेश म्हस्के यांनी आदित्य ठाकरे यांना केला. रविवारी ठाण्यातील जाहीर सभेत आदित्य ठाकरे यांनी पुनरुचार काढून मुख्यमंत्री एकनाथ शिंदे यांना त्यांच्याच मतदारसंघात लढण्याचे जाहीर आव्हान दिले. त्यावर त्यांनी हा सवाल उपस्थित केला. तर, आदित्य ठाकरे हे बालिश असल्याचाही उल्लेख म्हस्के यांनी यावेळी केला.

ठाण्यात शिवसेनेची ताकद ही एकनाथ शिंदे कडे आहे की खासदार राजन विचारे किंवा आदित्य ठाकरे यांच्याकडे आहे ते पाहावे. मग समजेल ताकद कुणाची आहे. तसेच लोक कोणाकडे आहेत माजी मुख्यमंत्री उद्धव ठाकरे यांच्याकडे की मुख्यमंत्री एकनाथ शिंदे यांच्याकडे हेही समजून येईल असेही म्हस्के यांनी यावेळी स्पष्ट करत आपला निशाणा साधला. आदित्य ठाकरे हे कुठे येऊन आणि किती तर लोकांसमोर आव्हान करतात.

ठाणे तर लांबच आहे, कल्याणमध्ये लढा आमच्या विरोधात सर्वांनी लढा. तुमच्यासोबत किती लोक आहेत,ते चारही सभा घेतल्या त्या सभा दिसले. त्या सभा म्हणजे नुक्कड सभा असल्याचीच टीका यावेळी म्हस्के यांनी केली. त्यामुळे त्या सभा तपासा समोरची मंडळी चारही ठिकाणी तीच मंडळी दिसत आहे. आम्ही शिवसेनेत असताना ज्या जोषात आणि उत्साहात मिटिंग आणि आपल्या जाहीर सभा करायचो ते चित्र आणि आताचे चित्र पहावे, असे आवाहनही केले.

ठाणे लोकसभेसाठी कुठलीच नावे चर्चेत नाही - म्हस्के यांचे स्पष्टीकरण

​मुख्यमंत्री एकनाथ शिंदे यांचा बालेकिल्ला असलेल्या ठाणे लोकसभा मतदारसंघाकडे राज्याचे लक्ष लागले आहे. त्यातच महायुतीच्या तिन्ही पक्षांनी या मतदारसंघावर दावा केला आहे. त्यातून तिन्ही पक्षांच्या इच्छुकांची नावे पुढे येत असताना, शिवसेना शिंदे गटाचे माजी महापौर नरेश म्हस्के यांनी ठाणे लोकसभेसाठी कुठलीच नावे चर्चेत नसल्याचे स्पष्टीकरण देत, या मतदारसंघात वरिष्ठ जो उमेदवार देतील, त्याचे काम करणारा असून पक्षीय भेदभाव आम्ही बाजूला ठेवणार असल्याचेही त्यांनी यावेळी जाहीर केले.