नवी मुंबई : जुईनगर रेल्वे स्‍थानकाच्या (Jui nagar railway station) पश्चिम भागात रात्रीच्या वेळी फेरफटका मारण्यासाठी गेलेल्या एका तरुणाला दोघांनी जबर मारहाण (beating case) केली. आणि त्याच्याजवळ असलेला मोबाईल, अंगठी व सोनसाखळी असा सुमारे लाखभर रुपये किमतीचा ऐवज लुटून (Gold robbery) पलायन केल्याची घटना गुरुवारी रात्री घडली. सानपाडा पोलिसांनी (sanpada police) या घटनेतील दोघांविरोधात गुन्हा दाखल (police FIR) केला आहे.

वाशी सेक्टर-९ भागात मध्ये राहणारा विशाल कश्यप (२८) एका आयटी कंपनीत सॉफ्टवेअर डेव्हलपर म्हणून कामाला आहे. २५ नोव्हेंबर रोजी जेवण केल्यानंतर तो रात्री १० वाजण्याच्या सुमारास फेरफटका मारण्यासाठी बाहेर पडला होता. यावेळी तो लोकलने जुईनगर रेल्वे स्टेशनवर उतरला. स्थानकाच्या पश्चिमेकडे सेक्टर-११ मध्ये बांधकाम सुरू असलेल्या ठिकाणी चालत जात होता.

या वेळी अंधारात फायदा घेत दोघांनी त्‍याला मारहाण केली. तसेच धमकावून त्याच्याजवळ असलेला ४० हजार रुपये किमतीचा मोबाईल, सोन्याची अंगठी व सोनसाखळी असा सुमारे एक लाखभर रुपये किमतीचा मुद्देमाल लुटून पोबारा केला. त्यानंतर विशालने दुसऱ्या दिवशी सानपाडा पोलिस ठाण्यात तक्रार दाखल केल्‍यावर पोलिसांनी गुन्हा दाखल केला आहे.